13:20 / 03.01.2018
6 825

ИИВ шу кунга қадар нечта ЙПХ пости фаолияти тугатилганини маълум қилди

ИИВ шу кунга қадар нечта ЙПХ пости фаолияти тугатилганини маълум қилди
Ўзбекистон Республикаси президентининг Олий Мажлисга мурожаатномасида автомобиль йўлларида ҳаракатланиш эркинлигини чеклаётган, савдо-иқтисодий муносабатларнинг ҳамда ички ва ташқи туризмнинг ривожига салбий таъсир кўрсатаётган мунтазам йўл-патруль хизмати масканлари ва блок постларнинг фаолиятини тугатиш ҳамда сонини қисқартириш таъкидланган эди.

Республиканинг баъзи вилоятлари ўртасидаги постларнинг жойлашуви нафақат фуқароларга, балки иқтисодиётга ҳам салбий таъсир қилаётганлиги аниқ рақамлар билан кўрсатиб берилди.

Ўзбекистон Республикаси ИИВ Патруль-пост хизмати ва жамоат тартибини сақлаш бош бошқармасидан маълум қилинишича, Ички ишлар вазирлигининг таркибий ва ҳудудий бўлинмалари мутахассисларидан иборат гуруҳлар томонидан мунтазам йўл-патруль хизмати масканлари ва блок постларининг фаолияти ўрганилиб, шу кунга қадар автомобиль йўлларида жойлашган жами 54 та бундай постларнинг фаолияти тугатилди. Шулардан, 21 тасини мунтазам йўл-патруль хизмати масканлари, 14 тасини блок постлар ва 19 тасини тўсиқ постлари ташкил этган эди. Қайд этилишича, қолган постларнинг ҳам фаолияти танқидий қайта кўриб чиқилмоқда.

Андижон вилоятининг Шаҳрихон туманидаги тугатилган тўсиқ пости
Олдинги ҳолати

Бугунги ҳолати

Қорақалпоғистон Республикасининг Беруний туманидаги тугатилган мунтазам ЙПХ маскани
Олдинги ҳолати

Бугунги ҳолати

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » ИИВ шу кунга қадар нечта ЙПХ пости фаолияти тугатилганини маълум қилди