Қозоғистоннинг Ақтўбе областида автобус ёниб кетиши оқибатида ҳалок бўлган 52 нафар ўзбекистонликнинг жасадини олиб учган махсус самолёт 19 январь, соат 22:30 да Тошкентга қўнди. «Kun.uz» манбасининг тасдиқлашича, ДНК-экспертиза ишлари Тошкентда давом эттирилади.
18 январь куни Қозоғистоннинг Ақтўбе вилояти Ирғиз туманида, «Чимкент — Самара» йўлининг 1068-километрида Қозоғистон жанубидан Россиянинг Қозон шаҳрига кетаётган йўловчи автобуси ҳаракат давомида ёниб кетди. Ёнғин бошланган вақтда автобусда 57 киши бўлган. Уларнинг 54 нафари Ўзбекистон фуқароси эди. Фожиадан фақат 5 киши омон қолди, шундан 2 киши ўзбекистонлик.
Ушбу ҳодиса муносабати билан 18 январь куни Қозоғистонда ҳам, Ўзбекистонда ҳам ҳукумат комиссиялари тузилди. Бош вазир Абдулла Арипов раҳбар этиб белгиланган Ўзбекистондаги махсус комиссияга авария натижасида жабрланган ва ҳалок бўлган Ўзбекистон фуқароларини Ватанга етказиш билан боғлиқ ташкилий ишларни ҳал этиш вазифаси топширилганди.
Дастлабки текширувлардан кейин марҳумларнинг 32 нафарининг шахси аниқлаштирилди. Энди қолган жасадларнинг шахси Тошкентда ДНК-экспертиза орқали аниқлаштирилади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
АҚШ Исроилнинг икки вазирига санкция қўлламоқчи
Ҳар қандай катта ёшдаги киши етук эмас
Эрдўғон Туркия Исроил билан алоқаларини узганини маълум қилди
Россия армияси Купянскка киргани айтилмоқда
Боррел ЕИнинг Исроил билан мулоқотини тўхтатишни таклиф қилди
АҚШ ҳарбийлари орасида ўз жонига қасд қилиш кўпайди
Пашинян Арманистоннинг Мустақиллик декларацияни энг катта муаммо ва фожиа деб атади
