07:05 / 23.02.2018
5 499

20 кунлик чақалоқни сотиш устида қўлга тушганлар (видео)

20 кунлик чақалоқни сотиш устида қўлга тушганлар (видео)
Тошкент вилояти ИИБ ходимлари томонидан 20 кунлик чақалоқни сотаётган фуқаролар жиноят устида қўлга олингани ҳақида аввал хабар берилган эди.

Вилоят ИИБ матбуот хизмати маълумотига кўра, Фарғона вилоятининг Риштон туманида яшовчи, тўрт боланинг онаси ҳисобланган 38 ёшли 2018 йил 20 январь куни туғилган қизини Фарғона вилоятининг Бағдод ва Риштон туманларида яшовчи фуқаролар билан тил бириктириб, 10 минг АҚШ долларига сотишга уринган вақтида қўлга олинган.

«Ўзбекистон 24» телеканалида ушбу ҳодиса ҳақида лавҳа эфирга узатилди. Унда чиқиш қилган Тошкент вилояти ИИБ терговчиси Равшан Пардаевнинг сўзларига кўра, мазкур ҳолат юзасидан Жиноят кодексининг 135-моддаси 3-қисми «а» банди билан жиноят иши қўзғатилган.

Маълумот учун, Жиноят кодексининг мазкур қисми («одам савдоси, яъни одамни олиш-сотиш, ўша ҳаракатлар 18 ёшга тўлмаганлиги айбдорга аён бўлган шахсга нисбатан содир этиш) бўйича айбдор деб топилганлар 8 йилдан 12 йилгача озодликдан маҳрум қилиш билан жазоланади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » 20 кунлик чақалоқни сотиш устида қўлга тушганлар (видео)