Битта корхона бир вақтда 200 дан ортиқ «UZ» доменини сотиб олди

«Spot» нашри маълум қилишича, «Arsenal D» компанияси орқали рўйхатга олинган 200 доменнинг барчаси чизиқчали уч символдан иборат: a-x.uz, c-u.uz, c-m.uz, y-r.uz, u-t.uz, v-q.uz ва ҳоказо.

Доменлар юридик шахс — «Djabbarov Z.» Xусусий корхонаси номига рўйхатга олинган. Худди аввалги ҳолатда бўлгани каби, нима мақсадда юзлаб доменлар бир вақтнинг ўзида сотиб олингани аниқ эмас.

Маълумки, «UZ» доменидаги домен номларини рўйхатдан ўтказиш ва улардан фойдаланиш тартиби тўғрисида низомга кўра, киберсквоттинг ва домен греббинг тақиқланади. «Замин»ни Telegram’да ўқинг!