«Мен меҳнат дафтарчасига 4 йиллик талабалик даври ҳам киритилади деб эшитгандим, ҳозирда ишлайман, шунинг учун меҳнат дафтарчасини ишхонамдан оламанми ёки ўқиш жойимданми?»
Мазкур саволга Юнусобод тумани Аҳоли бандлигига кўмаклашиш маркази юрисконсульти Нодира Тошева жавоб берди:
— Меҳнат кодексининг 81-моддаси иккинчи қисмига мувофиқ, меҳнат дафтарчаси ходимнинг меҳнат стажини тасдиқловчи асосий ҳужжатдир. Иш берувчи корхонада беш кундан ортиқ ишлаган барча ходимларга меҳнат дафтарчасини тутиши шарт, ўриндошлик асосида ишловчилар бундан мустасно.
Иш берувчи меҳнат дафтарчасига ишга қабул қилиш, бошқа доимий ишга ўтказиш ва меҳнат шартномасини бекор қилиш тўғрисидаги маълумотларни ёзиши шарт. Ходимнинг илтимосига кўра ,меҳнат дафтарчасига ўриндошлик асосида ишлаган ва вақтинча бошқа ишга ўтказилган даврлар ҳақидаги ёзувлар киритилади. Меҳнат шартномасини бекор қилиш асослари (сабаблари) меҳнат дафтарчасига ёзилмайди.
Шунингдек, «Меҳнат дафтарчаларини юритиш тартиби тўғрисида»ги 402-сонли йўриқноманинг 2-қисми 2-бандига мувофиқ, ўрта, ўрта махсус ва олий маълумот тўғрисидаги ёзувлар фақат тегишли ҳужжатлар (аттестат, гувоҳнома, диплом)га асосан ёзилади.
Юқоридагилардан келиб чиқиб, Сизга меҳнат дафтарчаси ҳозирги кунда ишлаётган корхона, муассаса ёки ташкилотинингиз томонидан юритилади ҳамда олий таълим муассасасини тамомлаганингиздан сўнг дипломингизга асосан 4 йиллик талабалик даврингиз тўғрисидаги маълумот ҳам киритилади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди