Қайси давлат фуқаролари Ўзбекистонга визасиз кириш имконига эга?

  • 09 апрель 2018, 08:04
  • 3 324
  • Жамият
  • Қайси давлат фуқаролари Ўзбекистонга визасиз кириш имконига эга?
    Ўзбекистон Қирғизистон (60 кунга), Озарбойжон, Арманистон, Беларусь, Грузия, Қозоғистон, Молдова, Россия ва Украина билан визасиз режимни йўлга қўйди. Ташқи ишлар вазирлигининг расмий сайтида шу ҳақида хабар берилди.

    2018 йилнинг 10 февралидан етти мамлакат - Исроил, Индонезия, Корея Республикаси, Малайзия, Сингапур, Туркия ва Япония фуқаролари учун 30 кунлик муддатга визасиз режими йўлга қўйилган эди.

    Юқорида номлари қайд этилган мамлакатлар фуқаролари Ўзбекистонга киришда амалдаги миллий паспорти ёки хорижий давлатларга парвоз вақтида қўлланилувчи бошқа ҳужжатга эга бўлиши керак.

    Кўрсатилган мамлакатларда доимий яшаса-да, фуқаролиги бўлмаган шахсларга нисбатан визасиз режим қўлланмайди.

    Визасиз режим Ўзбекистонга келган кундан бошлаб 30 кун давомида амалда бўлади. 30 кунлик муддат тугагунича чет эл фуқароси Ўзбекистон Республикаси ҳудудини тарк этиши керак бўлади. Ўзбекистонда 30 кундан ортиқ вақт қолишни режалаштирган хориж фуқароси сафар мақсадидан келиб чиқиб, белгиланган тартибда Ўзбекистон Республикасига кириш визасини олиши керак бўлади.

    Таъкидлаш жоизки, 2018 йилнинг 10 февралидан 39 мамлакат фуқаролари учун туристик визаларни расмийлаштиришнинг соддалаштирилган тартиби жорий қилинди. Бундан аввал эса Австрия, Бельгия, Буюк Британия, Германия, Испания, Италия, Латвия, Франция, Швейцария, Таиланд, Чехия ва Польша фуқаролари учун соддалаштирилган виза режими амалда қўлланган.

    2018 йилнинг 10 февралидан соддалаштирилган виза режими амалда қўлланувчи мамлакатлар рўйхати:
    1. Австралия;
    2. Албания Республикаси;
    3. Андорра қироллиги;
    4. Болгария Республикаси;
    5. Босния ва Герцеговина;
    6. Ватикан;
    7. Венгрия;
    8. Греция;
    9. Дания қироллиги;
    10. Ҳиндистон Республикаси;
    11. Ирландия;
    12. Исландия;
    13. Кувайт давлати;
    14. Канада;
    15. Литва Республикаси;
    16. Хитой Халқ Республикаси (Ҳонконг ХХР махсус маъмурий ҳудуди билан бирга)
    17. Лихтенштейн қироллиги;
    18. Люксембург;
    19. Македония Республикаси;
    20. Мальта Республикаси;
    21. Монако қироллиги;
    22. Нидерландия қироллиги;
    23. Янги Зеландия;
    24. Норвегия қироллиги;
    25. Бирлашган Араб Амирликлари;
    26. Уммон султонлиги;
    27. Португалия Республикаси;
    28. Руминия;
    29. Сан-Марино Республикаси;
    30. Саудия Арабистони қироллиги;
    31. Сербия Республикаси;
    32. Словакия Республикаси;
    33. Словения Республикаси;
    34. Америка Қўшма Штатлари;
    35. Финляндия Республикаси;
    36. Хорватия Республикаси;
    37. Черногория;
    38. Швеция қироллиги;
    39. Эстония Республикаси.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Қайси давлат фуқаролари Ўзбекистонга визасиз кириш имконига эга?