Бухородаги New Моон меҳмонхонаси.
Фото: МICE Солутионс
Ўзбекистоннинг барча вилоятларида хорижий инвесторлар кўмагида янги меҳмонхоналар қурилиши режалаштирилган. Бу ҳақда Ўзбекистон Туризмни ривожлантириш давлат қўмитаси раиси ўринбосари Шоҳрух Шараҳметов 30 апрель куни турк журналистлари учун ўтказилган брифингда маълум қилди.
«Ҳар бир вилоят ҳокимига ўз ҳудудидан 20 тадан ер участкасини хорижий инвесторларга ажратиб бериш бўйича топшириқ берилган. Бу ер участкаларига меҳмонхоналар қурилиши кўзда тутилган», — деди Шоҳрух Шараҳметов.
Брифинг давомида эътиборга молик бир статистик маълумот келтириб ўтилди: биргина Тошкентдаги турли даражадаги 150 меҳмонхонанинг жами сиғими 11 минг ўрин бўлса, Анталиядаги бир мулкдорга тегишли фақат 12 меҳмонхонанинг умумий сиғими 12 минг ўринни ташкил этади.
Шу муносабат билан, қўмитанинг Ҳудудларда туризмни ривожлантириш бошқармаси бошлиғи ўринбосари Миртолиб Мирзоҳидов Ўзбекистонда 2018—2019 йилларда камида 100 та янги меҳмонхонага эҳтиёж борлигини маълум қилиб, турк инвесторларини Ўзбекистонда ушбу соҳага сармоя киритишга чақирди.
Аввалроқ, 27 февраль куни бўлиб ўтган видеоселектор йиғилишида Президент Ўзбекистоннинг катта шаҳарларида 100 тадан, бошқа шаҳарларида эса 20 тадан меҳмонхоналар қуриш бўйича кўрсатмалар бергани маълум қилинган эди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Испания ва Греция Киевга Patriot тизимларини етказиб беришдан бош тортди
Учар автомобил йўловчи билан биринчи парвозини амалга оширди (видео)
Мария Захарова украиналикларни Америка ҳиндуларига ўхшатди
Зоир Мирзаев “Телефонсиз мактаб”га 300 млн сўм мукофот берди