Май ойининг ўрталаридан буён Ўзбекистон бўйлаб давом этаётган ёғингарчилик ва кучли жалалар жойларда сув тошқинлари ва сел оқимларини келтириб чиқармоқда. Бундан аввалроқ Самарқанд вилояти Нуробод тумани Жом қишлоғида сел келгани ҳақида хабар берилган эди.
Шунингдек, Қашқадарё вилояти туманларида сел етказган талофатлар 5 кишининг ҳаётига зомин бўлгани ҳақида ҳам хабар берилди.
Наманган вилояти Косонсой туманида ҳам 543 хонадон қисман сув остида қолган.
Фавқулодда вазиятлар вазирлиги 18 майдан 22 майгача Андижон, Жиззах, Қашқадарё, Навоий, Наманган, Самарқанд, Сурхондарё, Фарғона ва Тошкент вилоятларининг тоғ ва тоғолди ҳудудларида сел келиши хавфи мавжудлиги ҳақида хабар қилган.
Ижтимоий тармоқларда Сурхондарё вилоятининг Қумқўрғон туманида содир бўлган сел оқибатида келиб чиққан сув тошқини видеоси тарқалди.
Фавқулодда вазиятлар вазирлиги Сурхондарё вилоятининг Қумқўрғон туманидаги «Элобод», «Азларсой» ва «Богор» маҳалла фуқаролар йиғинлари ҳудудида сел оқими юзага келгани туфайли 754 киши эвакуация қилингани ҳақида хабар берган.
«Kun.uz» мухбирининг хабар беришича, шу кунларда вақти-вақти билан ёғаётган кучли ёмғир Сурхондарё вилоятининг Бойсун, Олтинсой, Денов ва Қумқўрғон туманларида ҳам кучли сел оқимларини келтириб чиқарган. Жумладан, сел оқими туфайли Бойсун – Термиз автомобиль йўлининг бир қисмини ювиб кетган ва лойқага тўлдирган. Айрим жойларда йўл емирилиб, юк машиналари ўтиши учун яроқсиз ҳолга келган ва йўлларда узун тирбандлик ҳосил бўлган.
Айни пайтда махсус техника сув оқимининг камайиши ва йўлларни зудлик билан таъмирлаш учун шай ҳолатга келтириб қўйганини кўриш мумкин.
Қайд этиб ўтиш жоизки, кучли ёғингарчилик тоғли туманларда қорга ҳам айланган. Шу сабабли Сурхондарёнинг шимолий туманларида йилнинг бу даври учун ноодатий бўлган совуқ ҳаво ҳукмрон бўлиб турибди.
Ушбу фотосурат кеча Бойсун туманининг Дарбанд қишлоғида туширилган. Одатда йилнинг бу фаслида саёзлашиб қолувчи Дарбанд дарёси ва сел оқимидан сўнг лойқа билан тўлиб қомоқда. Қизиғи шундаки, унинг ирмоғидан қизил лойқа, асосий ўзанидан сариқ лойқа келиб аралашиб, сел оқими қизғиш тусга кирмоқда.
Эслатиб ўтамиз, Ўзбекистон Республикаси Фавқулодда вазиятлар вазирлиги ахборот хизмати томонидан сел хавфи юзага келганда қандай ҳаракатланиш лозимлиги ҳақида йўриқнома ҳам эълон қилинган эди.
Манба: Kun.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Футзал. Осиё Кубоги. Тожикистон Японияни гуруҳда қолдирди
Швейцария президенти Путинга мактуб йўллади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
