12:53 / 27.06.2018
4 733

Жиззахда юк автомашинаси портлаши оқибатида 11 ёшли бола ҳалок бўлди

Жиззахда юк автомашинаси портлаши оқибатида 11 ёшли бола ҳалок бўлди
25 июнь куни Жиззах вилоятининг Фориш туманида «Ўзбекистон» МФЙда яшовчи Б.М. «ПАЗ-3772» русумли юк автомашинасини «Кулба» МФЙ ҳудудидан ўтувчи «Ғаллаорол—Қўйтош—Фориш» йўлининг 87-километрида ҳайдаб кетаётганда салон қисмидаги газ трубкаси ёрилиши оқибатида портлаш содир бўлди.

Электр симларининг қисқа туташуви натижасида салонда йиғилиб қолган газ ва ҳаво аралашмасидан чақнаш рўй бериб, ёнғин келиб чиқди. Бу ҳақда ИИВ жамоатчилик ва ОАВ билан алоқалар бошқармаси хабар берди.

Кўрилган чоралар натижасида ёнғин ўчирилди.

Портлаш оқибатида 11 ёшли йўловчи С.Ғ. куйиш жароҳатлари олиб, воқеа жойида ҳалок бўлди. Унинг қариндоши, 13 ёшли О.Ғ. ва ҳайдовчи Б.М. куйиш жароҳатлари олиб, касалхонага ётқизилди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)