Уйдан туриб СТИР олиш ёки уни ўзгартириш имконияти яратилди

Ягона интерактив давлат хизматлари порталида жисмоний шахслар учун СТИР олиш ёки унинг маълумотларини ўзгартириш хизмати ишга туширилди.

Мазкур хизмат орқали солиқ тўловчи мурожати бўйича идентификацион рақамларини аниқлаб олиши, шунингдек СТИР маълумотларини қисқа вақт ичида ўзгартириши мумкин. Мурожаат юборилганидан сўнг СТИР гувоҳномаси электрон кўринишда мурожаатда кўрсатилган электрон почта манзилига тақдим этилади.

Хизматдан фойдаланиш учун паспорт нусхаси (яшаш жойи маълумотлари билан) керак бўлади.

Бунинг учун солиқ тўловчи жисмоний шахс:

• тегишли амални танлайди (ҳисобга қўйиш ёки ҳисоб маълумотларига ўзгартириш киритиш);
  
• ариза шаклини электрон тўлдиради;
  
• сканерланган паспорт нусхасини юклайди;
  
• доимий яшаш манзили бўйича давлат солиқ инспекциясига электрон аризани юборади.
  

Бу жараёндан сўнг 3 иш куни давомида давлат солиқ хизмати органларида ҳисобга қўйилганлиги бўйича гувоҳномани аризада кўрсатилган электрон почта манзилидан олади.

Энди фамилия ёки шахсий паспорт маълумотларини ўзгартирган тақдирда, Ўзбекистон фуқаролари амалдаги СТИР маълумотларни ўзгартириш учун солиқ қўмитаси бўлинмаларига ташриф буюришлари талаб этилмайди. Уни my2.gov.uz орқали кўчага чиқмасдан туриб ёки ўзларига яқин Давлат хизматлари марказига бориб ўзгартиришлари мумкин. “Замин” янгиликларини “Telegram”да кузатиб боринг