16:00 / 21.09.2018
3 697

Mercedes-Benz ҳайдовчиси пиёдалар йўлакчасида бола кўтарган аёлни уриб кетди (видео)

Mercedes-Benz ҳайдовчиси пиёдалар йўлакчасида бола кўтарган аёлни уриб кетди (видео)
Жорий йилнинг 18 сентябрь куни соат 13:40 да Мирзо Улуғбек тумани Буюк Ипак йўли кўчасида ЙТҲ содир бўлган, деб хабар қилади Мирзо Улуғбек туман ҳокимлиги матбуот хизмати.

Марказий кўчадаги автомабиллардан бири пиёдалар учун мўлжалланган йўлакчага ўтиб кетиши оқибатида қўлида ёш боласини кўтариб олган аёлга енгил тан жароҳати етказган. Улар ҳозирда Республика ихтисослаштирилган нейрохирургия илмий – амалий тиббиёт марказида шифокорлар назоратида, аҳволи яхши.

Онага бош мия ёпиқ жароҳати, бош мия чайқалиши, энса соҳасини юмшоқ толаларини эзилиши, болага бош мия ёпиқ жароҳати, бош мия чайқалиши ташхиси қўйилган. ЙТҲни содир этган 01/Q014 NA рақамли Mercedes-Benz ҳайдовчисига нисбатан чора кўрилган. Автомабиль жарима майдончасига олиб борилган.

Ўша куни аёл яна бир фарзандини 241-сонли Умумтаълим мактабидан олиб келаётган бўлган. Мактаб ёшидаги фарзандига зарар етмаган, у соғ-саломат.

Ушбу воқеанинг қандай содир бўлгани ҳақидаги видеолавҳани қуйидаги ҲАВОЛА орқали кўришингиз мумкин.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)