Урганчда кўприк қулаб тушди (фото)

  • 02 ноябрь 2018, 16:27
  • 3 084
  • Жамият
  • Урганчда кўприк қулаб тушди (фото)
    1 ноябрь куни тунда Урганч – Чолиш йўлининг 10 километридаги каналга қурилган кўприк қисман қулаб тушди.

    Аниқланган дастлабки маълумотларга кўра, кўприк юк автомобили оғирлигини кўтаролмай, қулаб тушган. Транспорт воситаси унинг устидан ўтиб кетишга улгурган деб хабар бермоқда Kun.uz нашри.

    2 ноябрь куни ҳолатига Урганч – Чолиш йўлининг 10 километри ёпиб қўйилган, ундан Хоразм вилоятини Қорақалпоғистоннинг Беруний тумани билан боғловчи, Амударё кўпригига ўтишнинг иложи йўқ. Барча транспорт воситалари айланма йўлларга йўналтирилмоқда. Фуқаролар эса кўприкнинг бутун қолган қисмидан ўтказилмоқда.

    Амударё кўприги штат режимида ишлаяпти, ундан транспорт воситалари ўтказилмоқда.

    Ҳозирги вақтда қулаб тушган кўприк ёнидан бошқа, вақтинчалик, кичикроқ кўприкнинг қурилиш ишлари бошлаб юборилган. Уни 3 ноябрь куни ишга тушириш режалаштирилмоқда.

    Воқеа кеча соат 19:15 да содир бўлган. Катта юк машинаси ўтаётганда кўприкнинг бир томони ўпирилиб тушган. Юк машинаси кўприкдан ўтишга улгурган. Унинг изидан келаётган “Дамас” ҳайдовчиси чуқурни кўриб, шошиб қолади ва рулни кескин буриши натижасида машина ағдарилиб кетади. Жабрланганлар йўқ.

    "Мазкур кўприк орқали ўтувчи йўл Хоразм вилоятини Қорақалпоғистоннинг Беруний тумани билан боғловчи Амударё кўпригига олиб боради, – дейди Ғуломжон Рўзибоев.

    – Айни пайтда машиналар айланма йўллар орқали юришга мажбур бўлмоқда. Ҳозирги ўпирилиб тушган кўприк ёнидан вақтинчалик кўприк қурилаётир. Қурувчиларнинг айтишича у 3 ноябрь куни ишга туширилади".

    Кўприкнинг бутун қолган қисмидан одамлар қатнамоқда. Кўприк қачон тикланиши маълум эмас. Ҳозирча расмийлар бу борада ҳеч қандай изоҳ беришмади.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Урганчда кўприк қулаб тушди (фото)