«Ўзбекэнерго» АЖ Толимаржон ИЭСда шу йилнинг 23 ноябрь куни соат 02:10да шартномага мувофиқ, таъминотчи муассаса томонидан сифатли газ етказиб берилмаган. Натижада, газ таркибидаги механик аралашмалар газ фильтрларига тиқилиб қолган. Бу ҳақда жамият матбуот хизмати Kun.uz'га маълум қилди.
«Бу эса иш фаолиятига таъсир қилган. Оқибатда, ушбу ИЭСнинг иккинчи сонли Буғ-газ қурилмаси (БГҚ)да табиий газнинг кўтарилиб кетганлиги сабабли, ускунанинг авариявий ўчиш ҳолатини олдини олиш мақсадида, қурилма иш фаолияти мажбурий равишда вақтинчалик тўхтатилиб, фильтр ва сепараторларни тозалаш ишлари амалга оширилган», - дейилади расмий хабарда.
«Ўзбекэнерго»дан хабар берилишича, ушбу амалиётдан сўнг, шу куннинг ўзидаёқ қурилма тўлиқ ишга туширилган. Аммо, «Толимаржон» ИЭСга сифатли табиий газ етказиб берилмаганлиги учун, корхонанинг ушбу иккинчи сонли Буғ-газ қурилмасида шу йилнинг 24, 25 ва 27 ноябрь кунларида ҳам бундай қисқа муддатли мажбурий ўчириш ҳолатлари юз берган.
Kun.uz'га маълум бўлишича, «Ўзбекэнерго» АЖ қошидаги Толимаржон ИЭСда носозликлар кузатилганди. Дастлаб, «Ўзбекэнерго» вакиллари бу масала ҳақида гапиришни истамади, шунингдек етказилган зарар миқдори ҳам ошкор этилмаганди.
Таъкидланишича, жамият ушбу ҳолат бўйича юзага келган вазиятни бартараф этиш мақсадида, тегишли масъул идораларга мурожаат қилиб, газ сифатини яхшилаш бўйича амалий ишларни олиб борди.
«Ўзбекнефтгаз» бошқаруви раисининг ўринбосари Одил Темиров ушбу сўзларни тасдиқлаб, «Ўзбекнефтгаз» электр ишлаб чиқарувчи «Ўзбекэнерго» раҳбарияти бир стол атрофида ҳар кунлик истеъмол учун талаб этиладиган энергия ишлаб чиқариш учун зарур газни етказиб бериш масаласи ҳал қилинганини айтганди.
«Бугунги кунда «Толимаржон» ИЭСдаги Буғ-газ қурилмаси барқарор ишламоқда. Етказиб берилаётган табиий газ сифати ҳам яхшиланган. Айни пайтда 7 миллион абонентга эга бўлган «Ўзбекэнерго» АЖ томонидан мамлакатимиз аҳолисини қиш фаслида ҳам узлуксиз электр энергияси билан таъминлаш бўйича барча чора-тадбирлар кўрилмоқда», - дея қўшимча қилинган хабарда.
Жамият истеъмолчиларнинг шикоят ва мурожаатларини Телеграм мессенжерида фаолият олиб бораётган @uzbekenergomuloqot ахборот канали орқали кўриб чиқишини билдирмоқда. Мурожаатлар канал админстраторига юборилиши сўралади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қондаги шакар миқдорини тартибга солувчи фойдали мева номи айтилди
Бухоро вилоятида «Нексия-3» автомашинаси букланиб қолди
Бизнес имкониятингизни кенгайтиринг
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
