Ўзбекистон қизил китобини тайёрлаш, нашр этиш ва юритиш тартиби белгиланди.
Вазирлар Маҳкамасининг 2018 йил 19 декабрдаги қарорига биноан Ўзбекистон қизил китобини тайёрлаш, нашр этиш ва юритишни ташкил қилиш чора-тадбирлари тўғрисидаги низом тасдиқланди.
Низомга мувофиқ Қизил китоб Ўзбекистон ҳудудида камёб ва йўқолиб кетиш хавфи остидаги ҳайвонлар ва ўсимликлар муҳофазаси, уларни қайта тиклаш мақсадида ташкил этилади.
Қизил китобга ҳайвонот ва ўсимлик олами турларини (кенжа турларини) киритиш (ундан чиқариш) бўйича таклифлар ва тавсияларни Фанлар академиясининг Зоология ҳамда Ботаника институтлари ишлаб чиқади.
Қизил китобга турларни (кенжа турларни) киритиш (ундан чиқариш) ва уларни муҳофаза қилиш бўйича чора-тадбирлар Камёб ва йўқолиб кетиш арафасида турган ҳайвонлар ва ўсимликларни муҳофаза қилиш бўйича идоралараро комиссия томонидан мувофиқлаштирилади.
Шунингдек, Қизил китобга киритилган турлар (кенжа турлар) камёблик мақоми ва йўқолиб кетиш хавфига кўра 5 та категорияга мансуб бўлади:
– 0-категория – (“Эҳтимол йўқолиб кетган”);
– 1-категория – (“Йўқолиб кетиш арафасида”);
– 2-категория – (“Миқдори ва/ёки тарқалиши камайиб кетаётган”);
– 3-категория – (“Камёб”);
– 4-категория – (“Мақоми аниқланмаган”);
– 5-категория – (“Тикланган ёки тикланаётган”).
Камёб ва йўқолиб кетиш хавфи остидаги ҳайвонлар ва ўсимликларнинг давлат кадастри қонунчиликда белгиланган тартибда Фанлар академияси томонидан юритилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади