Давлат божхона қўмитаси ишга таклиф этмоқда

Давлат божхона қўмитаси Ўзбекистон Республикаси президентининг “Божхона маъмуриятчилигини такомиллаштириш ва Ўзбекистон Республикаси давлат божхона хизмати органлари фаолияти самарадорлигини ошириш бўйича қўшимча чора-тадбирлар тўғрисида” 2018 йил 24 ноябрдаги ПФ-5582-сон Фармонига мувофиқ, Тошкент ҳудудидаги божхона постларида ташқи иқтисодий фаолият иштирокчиларига божхона юк декларациясини тўлдириш бўйича бепул асосда хизмат кўрсатувчи «фронт-офис»га ишга таклиф этмоқда.

«Фронт-офис»га номзодлар танлов асосида танлаб олинади. Танловдан ўтган номзодлар фуқаролик-ҳуқуқий шартнома асосида ишга қабул қилинади ҳамда уларга ишбай аснода иш ҳақи тўланади.

Номзодларга қўйиладиган талаблар:
- Ўзбекистон Республикаси фуқароси бўлиши;
- ўрта махсус ёхуд олий таълим муассасаларининг дипломига эга бўлиши;
- божхона қонунчилигига оид билимларга ва уларни амалиётга қўллаш, шунингдек, ташкилий техникалар (компьютер, сканер, принтер
ва бошқалар) билан ишлаш кўникмаларига эга бўлиши;
- юклатилган мажбуриятларни бажаришга қодир бўлиши;
- божхона ва бошқа ҳуқуқни муҳофаза қилувчи органларидан салбий асослар билан бўшатилмаган бўлиши керак.

Талаб этиладиган ҳужжатлар:
1) фуқаролик паспорт нусхаси;
2) 086/у шаклдаги тиббий маълумотнома;
3) наркология ва руҳий-асаб касалликлари диспансерлари томонидан берилган маълумотнома;
4) охирги иш жойидан тавсифнома ҳамда маълумоти тўғрисида диплом.

Мурожаат учун манзиллар:
Тошкент шаҳар божхона бошқармаси: Тошкент шаҳри, Бунёдкор шоҳ кўчаси 35, тел.: 71-120-76-76;
Тошкент вилояти божхона бошқармаси: Тошкент вилояти, Нурафшон шаҳри, Тошкент йўли кўчаси 90-уй, тел.: 71-120-86-10;
“Тошкент-АЭРО” ихтисослаштирилган божхона комплекси: Тошкент шаҳри, Ислом Каримов номидаги “Тошкент” халқаро аэропорти, тел.: 71-120-86-30. “Замин” янгиликларини “Facebook”да кузатиб боринг