Фото: «Дарё»
Бугун, 31 январь куни Tashkent city халқаро ишбилармонлик марказида ОАВ ходимлари учун пресс-тур ва матбуот анжумани ташкил этилди. Бу ҳақда «Дарё» нашри хабар берди.
Матбуот анжуманида иштирок этган Тошкент шаҳар ҳокими Жаҳонгир Ортиқхўжаев Tashkent City қурилишининг барча иштирокчилари яъни инвесторларга бир хил шарт-шароитлар яратилганини қайд этиб ўтди.
«Бир сотих ер ҳамма учун бир хил нархда яъни 20 минг доллардан, 1 гектар ер майдони эса 2 миллион доллардан сотилди. Сумма ҳамма учун бир хил белгиланди», — дейди Тошкент шаҳар ҳокими.
Шунингдек, Жаҳонгир Ортиқхўжаев Tashkent City қурилишига инвесторлар жалб қилиш борасида ўзи дуч келган қийинчиликлар ҳақида ҳам гапириб ўтди:
«Давлат раҳбари таклифига биноан Tashkent City қурилишига бошчилик қилган пайтим менга қурилишни уч йилда битириш вазифаси юкланди. Ўшанда мен 700 нафар инвесторлар билан учрашув ўтказганман. Лекин улардан биронтаси ҳам инвестиция киритишга рози бўлмаган. Чунки Tashkent City жойлашадиган ҳудуд жозибадор туюлмаган уларга. Бундан ташқари, ҳеч бир компания уч йил ичида ушбу лойиҳани амалга ошириш мумкинлигига ишонмаган.
Шундан сўнг мен Ўзбекистондаги ўзим билган, таниган йирик тадбиркорларга мурожаат қилганман. 4-лотга инвестиция киритган Murad Buildings, 2-лотни қураётган Real House шулар жумласидан. Уларга ушбу ҳудуд жозибадорлигини тушунтирганман. Улар мана шу лойиҳанинг келажагига ишонч билдириб, рози бўлишган. Мен Ўзбекистонда мана шундай шижоатли, қатъиятли тадбиркорлар кўпайишини хоҳлаган бўлардим», — дейди Ортиқхўжаев.
Ҳокимнинг қайд этишича, маҳаллий компаниялардан бири Family Group ҳам Tashkent City инвестори ҳисобланади. Шунингдек, яна учта маҳаллий банк ҳам лойиҳага сармоя киритган.
«Тан оламан, банкларни ишонтириш ҳам осон бўлмаган. Банкларга бориб, бошқарув раислари билан бир неча марта учрашганман, тушунтирганман. Улар ҳам осонликча маблағ ажратишга рози бўлмаган. Кейинчалик, ‘Олмазор’ ва ‘Ўқчи’ маҳаллаларида уйлар бузилиб, одамлар уй билан таъминланиб, қурилиш бошланганидан кейин, банклар вакиллари кела бошлаган», — дейди ҳоким. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Футзал. Осиё Кубоги. Тожикистон Японияни гуруҳда қолдирди
Эрон президенти жиддий баёнот берди: «Исроилдан ҳеч нарса қолмайди»
Ўзбекистонда ўтган уч ойда қанча автомобиль ишлаб чиқарилган?
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Америкалик олимлар барча учун бирдек фойдали жисмоний фаоллик турини аниқлади
