Охирги пайтларда “Кучли аёл” мавзусида у бу қораламаларни ўқиб қолдим. Бошқаларнинг наздида “кучли аёл” атамаси остида кибр, ўзига ишонган, эркакшода, ўйин кулгига мойил аёллар тушунилса керак. Тағин билмадим. Билганим шуки, “кучли аёл”ни кучсиз, ожиз ва аёлнинг ортидан кун кўрувчи эркаклар пайдо қилади.
“Кучли аёл” бўлиш ҳеч бир аёлга ёқимли туйғу эмас. Дунёга келганки аёл зоти ўзидан кучлиларни қадрлайди, уларга ишонади, суянади. Минг жони бўлсин аёл бир жонни олдида ўзининг энг ожизалигини ҳис қилади.
Келинг лўндароқ айтай. Қайси кучли аёлга бозорда халта кўтариб юриш ёқади. Қай бирига ғишт қуйиб, девор кўтариш, қора меҳнат қилиш, ҳақорат эшитса-да жим яшаш.. ёқади? Йўқ, кучлилик қуриб кетсин!
Аёл... У бир сиқимгина меҳрга муштоқ хилқат холос. Алдаб бўлса ҳам битта кулиб, “ажойибсан-да” деб қўйинг. Яйраб кетади, қўли тўрт, оёғи саккиз бўлиб куймаланиб хизматингизни қилади. Аммо ожизангиз борасида хатога йўл қўйсангиз, у албатта кучли бўлади..!
Энг охиргиси...
Ўзингиз истамаган ўша “Кучли аёл” ортидан бир куни қаттиқ изтироб чекасиз. Қаерда хато қилганингизни қайта-қайта эслайсиз, тушингиз хуш бўлмайди, хушингиз туш. Аммо у пайт сиз “кучли аёлингиз”ни хаёлотида бўлмайсиз, улоқтирилган, унутилган ва кераксиз. Сал ҳушёр бўлинг. Кучлилар ортидаги изтироб, энг кучли изтиробдир...
Мадина МЎМИНОВА
Манба: Azon.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Америкалик олимлар барча учун бирдек фойдали жисмоний фаоллик турини аниқлади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Тошкентда 02 кодли авторақамлар тахминан қачон пайдо бўлиши айтилди
Владимир Путин «Крокус»да содир этилган теракт учун ўч олишга чақирди
