Прокуратура ва МИБ кам таъминланган оилаларга амалий ёрдам кўрсатмоқда​

  • 02 апрель 2019, 11:36
  • 545
  • Жамият
  • Прокуратура ва МИБ кам таъминланган оилаларга амалий ёрдам кўрсатмоқда​
    Ўзбекистон Республикаси Президентининг 08.01.2019 йилдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги 4102-сонли қарори ижросини таъминлаш мақсадида, Чилонзор туман прокурори томонидан тузилган ишчи гуруҳи ёрдамида, тумандаги кам таъминланган ва ёрдамга муҳтож оилалар уйма-уй юриб ўрганилди.

    Ўрганишда, туман прокурори А.Камилов ҳамда туман Мажбурий ижро бюросининг бошлиғи И.Акбаровлар, мутасадди идоралар билан бирга “Катта Қозиробод” маҳалласида яшовчи М.Загребинанинг 1 млн. сўмдан ортиқ қарздорлиги ҳомийлар ёрдамида қопланашига амалий ёрдам кўрсатилди.

    Шунингдек, “Ал-Хоразмий” маҳалласида яшовчи А.Акромованинг электр энергиясидан қарздорлиги учун муқаддам тармоқдан узиб қўйилган хонадони ҳомийларнинг ёрдами билан 405 минг 460 сўм тўланиши натижасида, тармоққа қайта улаб берилди.

    Бундан ташқари, туманда яшовчи:
    - фуқаро Т.Ташходжаеванинг табиий газдан бўлган 1 млн. 100 минг сўм;
    - Д.Ахмедованинг электр энергиясидан бўлган қарздорлигини қоплаш учун 1 млн сўм, ичимлик сувидан бўлган 750 минг сўм ва маиший чиқинди учун 250 минг сўм,
    - А.Меҳмоновнинг табиий газдан бўлган 542 минг сўм;
    - Б.Хусанованинг табиий газдан бўлган қарздорлиги учун 500 минг сўм;
    - Ф.Сайфутдинованинг табиий газдан бўлган қарздорлик учун 700 минг сўмлик қарздорликлари ҳомийлар ёрдамида қопланишига амалий ёрдам кўрсатилди.

    Ушбу тадбирлардан мақсад – тумандаги аҳолининг яшаш шароитларини тубдан яхшилаш, турмуш даражасида сезиларли ижобий ўзгаришларга ҳисса қўшиш ҳамда жонли мулоқотни йўлга қўйишдир.

    » » Прокуратура ва МИБ кам таъминланган оилаларга амалий ёрдам кўрсатмоқда​