Ҳайдовчилик гувоҳномасини алмаштириш осонлашди (фото)

  • 06 апрель 2019, 14:55
  • 1 120
  • Жамият
  • Ҳайдовчилик гувоҳномасини алмаштириш осонлашди (фото)
    2019 йил 1 апрелдан ҳайдовчилик гувоҳномаларини ҳайдовчи қаерда прописка қилинганидан қатъи назар Давлат хизматлари марказларида алмаштириши мумкин.

    Тошкент шаҳар ИИББ матбуот хизматининг хабар беришича, Тошкентда жойлашган 11 та марказнинг 7 таси зарурий ускуналар билан жиҳозланган ва ушбу марказларда гувоҳномаларни алмаштириш йўлга қўйилган. Давлат божининг ҳажми – ЭКИҲнинг 70 фоизи.

    Мазкур давлат хизматидан фойдаланиш учун фуқаролар паспорт, эски намунадаги ҳайдовчилик гувоҳномаси ва унинг талони, шунингдек, ЭКИҲнинг 70 фоизи миқдорида тўлов амалга оширилганлигини тасдиқловчи ҳужжатларни тақдим этишлари талаб этилади.

    Шунингдек, жорий йилнинг 1 апрелидан бошлаб Ягона интерактив давлат хизматлари портали орқали онлайн тартибда ҳайдовчилик гувоҳномаларини алмаштириш учун мурожаат этишлари мумкин.

    » » Ҳайдовчилик гувоҳномасини алмаштириш осонлашди (фото)