6 472
Биринчи хонимларнинг ижтимоий ва маданий муассасаларга ташрифидан лавҳалар (фото, видео)
Зироат Мирзиёева ва Ким Чжон Сук 19 апрель куни қатор ижтимоий ва маданий муассасалар билан танишдилар.
Мамлакатимизда давлат ташрифи билан бўлиб турган Корея Республикаси Президентининг рафиқаси Ким Чжон Сук Ўзбекистон Республикаси Президентининг рафиқаси Зироат Мирзиёева ҳамроҳлигида Тошкентдаги Яккасарой тумани 369-сон мактабгача таълим муассасасига ташриф буюрди, деб хабар бермоқда ЎзА.
Олий мартабали меҳмонлар тарбияланувчилар учун яратилган шароитлар билан танишди. Ҳар бир боланинг ижодий ва интеллектуал ривожланиши учун ишлаб чиқилган машғулотларни кузатди ва унда иштирок этди.
Зироат Мирзиёева ва Ким Чжон Сук Ўзбекистон тасвирий санъат галереясида ҳам бўлиб, халқ амалий санъат кўргазмасини кўздан кечиришди. Кўргазмада ўзбек халқ амалий санъатининг энг гўзал дурдоналари — ёғоч ўймакорлиги, бадиий кулолчилик, мисгарлик, заргарлик, зардўзлик ва каштачилик намуналари намойишга қўйилган. Кореялик олий мартабали меҳмонга ҳар бир ҳудуд мактабига хос бўлган, қўл меҳнати билан яратилган сўзаналар, ипак гиламлар жуда манзур бўлди. Атлас ва адрас тўқиш жараёнига алоҳида қизиқиш билдирди. Шунингдек, миллий либослар намойиши, келин салом маросими меҳмонларда чуқур таассурот қолдирди.
Ўзбекистон Республикаси ва Корея Республикаси биринчи хонимлари Тошкент вилояти Юқоричирчиқ туманидаги “Ариран” қариялар уйида ҳам бўлди. Корейс миллатига мансуб кекса авлод вакиллари истиқомат қиладиган пансионатдаги қулайликлар билан танишиб, нуронийлар билан суҳбат қуришди. Ёши улуғ инсонларнинг “Корея биз учун тарихий ватан бўлса, Ўзбекистон - ҳаёт берган макон, биз ундан қарздормиз”, деб айтган сўзларини тинглаган Ким Чжон Сук ўзбек халқининг бағрикенглиги ва корейс миллатига мансуб фуқароларга кўрсатилаётган ғамхўрлик учун алоҳида миннатдорлик билдирди. Биринчи хонимлар номидан "Ариран" пансионатига янги автобус совға қилинди.
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ элчиси: “Россия Украина пойтахтига гипертовушли ракеталар билан зарба берди”
Россия омбудсмани: “Дунё Москва яқинидаги теракт ташкилотчиларини топиш йўлида бирлашиши керак”
АҚШ полициячиларининг «ақлли қарори» Legoга маъқул келмади
Дубай ҳукмдорининг энг гўзал қизи қандай ҳаёт кечиради?
АҚШ расмийлари: Миллионлаб америкаликлар хитойлик ҳакерлар ҳужумига учраган
Нетаняҳу Исроил делегациясининг АҚШга сафарини бекор қилди
Россия Украинанинг ҳарбий дрон йиғув иншоотларини йўқ қилди
АҚШ Исроилдан юз ўгирдими? Нетаняҳу Вашингтонга бормайди