Бир гуруҳ фаолларнинг vesti.uz сайтида рус тилига расмий тил мақомини бериш таклифи билан чиқиши ижтимоий тармоқларда ўзбек зиёлиларининг кескин норозилигига сабаб бўлмоқда. Жумладан Ўзбекистонда хизмат кўрсатган маданият ходими Дилором Каримова ҳам айни шу мавзуга "Ўзбек тилини билмаслик – сизнинг муаммонгиз!" дея муносабат билдирди.
Рус тилини билишимиз керак, ҳа, у бизни дунё билан боғловчи воситалардан бири. Лекин она тили билан бир мақомга кўтариш шартми? Чет тилларни халқнинг миллий туйғусига тегмай ўрганса, ўргатса бўлмасми?
Энг қизиғи, ташаббускор зиёлиларимизнинг кўпи ўзбек тилидан чала-чулпа хабардор, тузукроқ гаплаша олмайди, ҳатто ўзбек тилини тушунмайдиганлари ҳам бор. Улар миллат манфаатини ўйлабми ё шахсий фойдаларини кўзлаб бу таклифни илгари сурдилар?!
Бир қанча давлатларда расмий тил иккиталигини пеш қилишибди. Лекин дунё мамлакатларининг аксарида давлат тили ягоналигини, миллий мадҳия икки тилда эмас, бир тилда куйланишини, имтиҳонлар фақат давлат тилида топширилишини, дарслар шу тилда ўтилишини, барча муассаса ва корхоналарда ягона тилда иш юритилишини наҳотки билмасалар?
Пушкин тилини кўкка кўтараётганлар Навоий, Машраб тилини ҳам ўрганиб олсалар ёмон бўлмасди. Ваҳоланки, Александр Пушкин, Фёдор Достоевский, Лев Толстойлар рус элитасининг французпарастлигидан ранжиб, ўз она тилини улуғлаган улуғлар эди. Нега сиз, ҳурматли зиёлилар, она тилингизни бу қадар ерга урасиз?
Бизнинг юртимизда қанчадан-қанча рус, корейс ва бошқа миллатга мансуб одамлар яшайди. Шу ернинг сувини ичиб, нонини еб, шу ўлкада ўсиб-улғайишган. Минг афсуски, уларнинг кўпи ўзбек тилида гаплашишни билмайдилар, ҳатто ўрганишга ҳам ҳаракат қилмайдилар. Ахир, тилга беҳурматлик – элга беҳурматлик эмасми?! Ўзбек халқининг тантилиги, очиқ кўнгиллиги, кечиримлилигини ҳадеб синайвериш яхшиликка олиб борармикан?.. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
