Спорт оёқ кийими ичига яширилган нақд хорижий валюта фош этилди

Божхоначилар хорижий валюталарнинг юртимиздан ноқонуний йўллар билан олиб чиқилишига қарши самарали чоралар кўришмоқда.

Хусусан, Тошкент вилояти божхона “Ғишткўприк” чегара божхона пости орқали ҳаракатланган фуқаро А.У белгиланган тартибда божхона кўригидан ўтказилди.

Натижада, унинг қўл сумкаси ва спорт оёқ кийими ичида йўловчи божхона декларациясида кўрсатилмаган ҳамда оғзаки сўровда тақдим этилмаган, умумий қиймати 71 миллион сўмлик хорижий валюталар яширилганлиги ва уни Ўзбекистондан қўшни давлатга яширинча олиб ўтмоқчи бўлганлиги аниқланди.

Ҳозирда мазкур ҳолат юзасидан божхона текширувлари олиб борилмоқда. «Замин»ни Telegram’да ўқинг!