«Давр банк»нинг 2 ходими миллионлаб маблағларни талон-торож қилганликда гумонланиб қўлга олинди

Аввалроқ Nuz.uz сайтида «Давр банк» ходимлари кўп миллионли ўғирликда гумонланиб қўлга олинди. Ўнлаб мижозлар кўрган зарарлари зарар қопланишини талаб қилишмоқда» сарлавҳаси остида мақола эълон қилинганди.

Тошкент ШИИББ матбуот хизматининг билдиришича, дарҳақиқат ички ишлар органига Сирдарё вилоятида яшовчи фуқародан ариза келиб тушган. У ўз аризасида шу йилнинг 9 апрель куни «Давр банк»нинг Учтепа филиалига ипотека кредити олиш учун мурожаат қилгани ва дастлабки тўлов сифатида 75 млн сўм тўлаганини, аммо бу маблағ қурувчи ташкилот ҳисобига тушмаганлигини билдирган.

Кейинроқ ички ишлар органлари худди шу мазмундаги ариза билан яна йигирма киши мурожаат қилган. Уларнинг барчаси кредит олиш ёки банкда шахсий ҳисоб рақами очиш масалалари бўйича мурожаат қилишган. Мазкур ҳолат юзасидан Учтепа тумани ИИБ ФМБ томонидан Ўзбекистон Жиноят кодексининг 168-моддаси 3-қисми «а» банди (Фирибгарлик) бўйича жиноят иши қўзғатилган. Ушбу жиноятни содир этишда гумонланиб «Давр банк»нинг Учтепа филиали икки ҳодими қўлга олинган.

1 май куни уларга айблов эълон қилинган ва ўша куннинг ўзида айбланувчиларга нисбатан жиноят ишлари бўйича Учтепа туман суди томонидан ҳибсга олиш кўринишидаги эҳтиёт чораси қўллаш ҳукми чиқарилган.

Ҳозирда ушбу жиноят иши бўйича Тошкент ШИИББ ҳузуридаги тергов бошқармаси томонидан тергов ишлари олиб борилмоқда.

Манба: Kun.uz “Замин” янгиликларини “Twitter”да кузатиб боринг