Оҳангаронда балиқ овлаган браконьерлар 281 млн сўмлик зарар етказди

  • 16 май 2019, 13:20
  • 558
  • Жамият
  • Оҳангаронда балиқ овлаган браконьерлар 281 млн сўмлик зарар етказди
    Бош прокуратура ҳузуридаги Департаментнинг Оҳангарон туман бўлими ходимлари томонидан терговга қадар текширув ўтказилган. Бу ҳақда маҳкама матбуот хизмати хабар бермоқда.

    Унда Ангрен дарёсининг Оҳангарон тумани, Қайирма қишлоғи ҳудудидан оқиб ўтувчи қисмида фуқаролар В.Б. ва бошқалар тақиқланган ов қуроли ҳисобланган электр қармоқ билан балиқ овлаётганлиги аниқланиб, улардан «SEAHAWK II» номли қайиқ, электр қармоқ, аккумулятор ва 6942 дона овланган балиқлар ашёвий далил сифатида олиб қўйилган.

    Тошкент вилояти экология ва атроф-муҳитни муҳофаза қилиш бошқармасининг далолатномасига асосан 6942 дона балиқларнинг ноқонуний овланиши натижасида ҳайвонот ёки ўсимлик дунёсига 281,5 млн. сўмлик жуда кўп миқдордаги зарар етказилганлиги аниқланган.

    Мазкур ҳолат юзасидан В.Б. ва бошқаларга нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда, дейилади хабарда.

    Фикрлар

    » » Оҳангаронда балиқ овлаган браконьерлар 281 млн сўмлик зарар етказди