Президент талабага лойиҳасини амалга ошириш учун 1 миллиард сўм ажратишга кўрсатма берди

  • 24 май 2019, 23:53
  • 1 382
  • Жамият
  • Президент талабага лойиҳасини амалга ошириш учун 1 миллиард сўм ажратишга кўрсатма берди
    Фото: Олий ва ўрта-махсус таълим вазирлиги
    Бугун, 24 май куни Президент Шавкат Мирзиёев ЎзМУда олий таълим ва илмий-тадқиқот муассасалари раҳбарлари, олимлар, ёш тадқиқотчилар билан учрашиб, илмий-тадқиқот ишларини тижоратлаштириш, кадрлар тайёрлаш ва уларни моддий, ижтимоий қўллаб-қувватлаш масалалари ҳақида суҳбатлашди. Бу ҳақда Олий ва ўрта-махсус таълим вазирлиги хабар берди.

    Учрашувда Тошкент давлат техника университети Механика факультети 1-босқич магистранти Беҳзод Тўхтамуродов ҳам сўзга чиқиб, йиғилганларни ўзи ва уч нафар дўстидан иборат жамоа томонидан олиб борилаётган тадқиқот ишлари, хусусан 3D принтер яратиш борасидаги лойиҳаси билан таништирди.

    Президент талабанинг тақдимоти билан танишгач, «Асака банк» бошқарув раиси Нодирбек Сайдуллаевга талабага ўз лойиҳасини якунига етказиш учун зарур бўлган 1 миллиард сўм маблағни ажратиш юзасидан кўрсатма берди.

    Фикрлар

    » » Президент талабага лойиҳасини амалга ошириш учун 1 миллиард сўм ажратишга кўрсатма берди