Саёҳатларимдан бири. Пешин намозини жамоат билан ўқидик. Масжид хонақоҳи эшигидан икки киши шошилиб чиқиб кетди. Ташқарига жамоат қатори чиқдим. Мендан олдин чиққанлар негадир бир қаторга терилиб навбатга туриб олишибди. Мени мусофирлигимни сезиб имо-ишора билан қаторга туришимни тушунтиришди. Аввалига негалигини англамадим.
Кейин қарасам биринчи бўлиб чиққан икки киши оқ рангли бош кийими билан либос кийиб, ошпаз қиёфасига кириб олишибди. Олдиларида икки учта таом солинган идиш. Биттаси дарров бир марталик қошиқ, санчқи, елим патнис беряпти, ичи катак-катак қилиб уч-тўртга бўлинган, иккинчиси катакчалар ичига икки ҳил, суюқ ва қуюқ таом солиб, нон, сув беряпти.
Секин у жойдан узоқлашдим. Навбатда туриб, тарқатилаётган таомдан олгим келмади. Узоқдан қараб турибман. Бой ҳам, фақир ҳам навбатга туряпти. Қизиқишим ортди, “бу кимлар учун ва қандай маросим?”.
Масжидни қўриқлайдиган полиция ходимидан бир амаллаб сўрадим:
-“Бу нима?”
Нима деб жавоб берди биласизми?
-“Никоҳ тўйи, бир маҳалладошимиз уйланяпти...”
Ақлим қабул қила олмади.
Агар ўзбекона фикрласак:
Одатда тўйга алоҳида зарли қоғозга ёзилган таклифнома тарқатиш билан бошланади, оддийси уят (исроф эмасми? Эҳтимол “йўқ” дейдиганлар топилар. Исроф таом ейилган идишнинг йуқи қолишдан бошланмайдими?).
Таклифнома танишларга ва ўзига тўқроқ, хос кишиларга мамнуният билан берилади (ким бойнинг бойлиги учун ҳурмат қилса, динининг учдан иккиси кетмайдими?).
Таомлар хилма ҳил, идишлар қатма-қат, ичимликлар кетма-кет, ҳонанда-ю созандалар тўпма-тўп...(бу-чи? Гуноҳ эмасми?)
Урфларга кўра қуда чақириш, келин салом, чарлар, баъзи жойларда сеп очди, ЗАГСга кортеж, тўйдан кейин яна нималардир...(исён эмасми?)
Санасам адоғи йўқ. Юртимизга келган бир чет эллик киши айтган экан, “сизлар дуоси ижобат бўлган халқ экансиз”, эшитган киши табассум билан (чунки мақтаяпти деб ўйлаганда) “қаердан билдингиз, тақсир” деганида, “топган-тутганингиз тўйларга буюрсин деб дуо қиларкансиз, бутун топганингиз тўйдан ортмасдан соб бўларкан” деб жавоб берибди...
Энди сафардаги тўйимизга қайтсак, у ерда на тўйхонага, на хонандага, на ҳизматчилар-у ва на саноқсиз таомларга исроф қилинди. Эҳсон вақтида бой-камбағал деб одам ҳам ажратилмади. Фалончи-фистончи кўриб қойил қолсин деб риё ҳам қилинмади. Дабдаба ҳақида умуман гапирмаса ҳам бўлади. Учраган мўминга эҳсон қилинди, қўйилди. “Мени айтганни айтаман, айтмаганни йўқ” ҳам дейилмади...
Айтганча, ЗАГС кортежи ҳақида айтсам. Битта машина, ишонасизми? Биздаги Тикога ўхшаган машинада ҳам чиқиб кетаверади, амалларининг ҳаммасида самимият сезилиб туради...
Мен кўрдим, ҳавас қилдим. Сиз ҳам кўринг, нафақат у ерда, балки ЮРТИМДА КЎРИНГ, ВАТАНДОШ!!!
Салим АЙЮБИЙ
Манба: Azon.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Освенцимда минглаб яҳудийлар «Тириклар марши» акциясини ўтказди
Россияда америкалик аскар ўғриликда айбланиб қўлга олинди
Туркиянинг кутилмаган қадами: Исроил билан савдо тўхтатилгани нимани англатади?
Машҳур агент ПСЖга тўртта юлдузни тавсия қилмоқда
АҚШ Исроилга қурол етказиб беришни тўхтатди
Шоҳжаҳон Жўраев 2 йил олдин отаси Шерали Жўраевни судга бергани маълум бўлди
“Барселона”да янги можаро бошланди