09:30 / 01.07.2019
2 038

Тошкент шаҳри майдони яна 18 минг гектарга кенгайиши мумкин

Тошкент шаҳри майдони яна 18 минг гектарга кенгайиши мумкин
Фото: Sputnik
Тошкент шаҳар чегараси келажакда яна 18 минг гектар майдонга кенгайиши мумкин. Бу ҳақда Тошкент ҳокимининг капитал қурилиш ва коммуникацияларни ривожлантириш бўйича ўринбосари Даврон Ҳидоятовга таяниб, Sputnik хабар қилди.

Ҳидоятов айтишига қараганда, ҳозир Тошкент шаҳрининг умумий ҳудуди 33 минг гектарни ташкил қилади. Янги қўшиладиган майдон шаҳарни яна 60 фоизга кенгайтиради.

Хабарда айтилишига кўра, «Янги Тошкент» пойтахтнинг Шарқий томонидан, Чирчиқ дарёсининг чап қирғоғи бўйлаб жойлашади. Бироз олдин Британиянинг Benoy компанияси томонидан ишлаб чиқилган янги шаҳар виртуал лойиҳаси намойиш этилган эди. Айни дамда хитойлик меъморлар таклифи ҳам ишлаб чиқилмоқда.

«Янги Тошкент»да маъмурий ҳудуд, марказий бизнес ҳудуди, савдо ҳудуди ва аэропорт зонаси бўлади. Янги шаҳарда умумий ҳисобда 2 миллионга яқин киши яшаши мумкин бўлади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)