Абитуриентлар учун яна бир қулайлик – энди my.gov.uz орқали ҳужжат топшириш мумкин

Абитуриентлар таълим муассасаларига ҳужжат топширишини енгиллаштириш мақсадида my.gov.uz порталида саҳифа очилди.

Олий таълим муассасаларига ҳужжат топширишда муаммолар юзага келаётгани ҳақида кўп бора ёзилган эди. Хусусан, ДТМ сайти мавжуд эҳтиёжни қаноатлантира олмаётган бўлса, Давлат хизматлари марказларида ҳам узун навбатлар ҳосил бўлаётган эди.

Энди ягона интерактив давлат хизматлари портали бўлган my.gov.uz сайтида ҳам ҳужжат топшириш имкони тақдим этилди.