Қидирувда бўлган отадан 6 йиллик алимент суммаси ундирилди

  • 30 июль 2019, 15:40
  • 544
  • Жамият
  • Қидирувда бўлган отадан 6 йиллик алимент суммаси ундирилди
    Фуқаролик ишлари бўйича Термиз туманлараро судининг 2013 йил 25 февралдаги буйруғига асосан Қизириқ туманида яшовчи Ш.Хасановдан бир нафар вояга етмаган фарзандининг моддий таъминоти учун алимент ундириш белгиланган.

    Бироқ, фарзандлари олдидаги бурчини бажариб қўйишни унутган ота алимент тўлашдан бўйин товлаб қочиб юрганлиги сабабли Бюронинг Қизириқ туман бўлими томонидан унга нисбатан қидирув эълон қилинган.

    Тезкор қидирув тадбирлари давомида Ш.Хасанов Қумқўрғон туманидан қидириб топилиб, ижро ҳаракатларини давом эттириш учун давлат ижрочисига топширилган.

    Бюронинг туман бўлими давлат ижрочилари томонидан 2013 йилдан бери тўланмаган алимент қарздорлигини ҳисоблаб уни тўлаб қўйишлиги акс ҳолда тўпланган ҳужжатлар судга тақдим этилиши тушунтирилди.

    Бундан тўғри хулоса чиқариб, бу пулларни бегонага эмас балки ўзининг фарзандига бераётганлигини тушуниб етган Ш.Хасанов жами алимент қарздорлигини тўлиқлигича, яъни 18 миллион 500 минг сўмни тўлаб берди.
    Шунингдек, Ш.Хасановга нисбатан эълон қилинган қидирув қарори бекор қилинди.

    » » Қидирувда бўлган отадан 6 йиллик алимент суммаси ундирилди