“Ўзбекистон темир йўллари” байрам муносабати билан 50%гача чегирмалар жорий этади

“Ўзбекистон темир йўллари” АЖ Ўзбекистон Мустақиллигининг 28 йиллиги нишонланиши муносабати билан 2019 йилнинг 31 август – 3 сентябр кунлари маҳаллий йўналишларда йўловчиларга чегирмалар тақдим этишини маълум қилди.

Қуйидаги йўловчиларга чегирма тақдим этилади:
- Нафақахўрлар, ногиронлар, 1941-1945 йил уруш қатнашчилари ва уларга тенглаштирилган – 50%;
- Олий ўқув юртлари талабалари, мактаб ўқувчилари, коллеж ва лицей талабалари, ИИВ, МВ, ДХХ, ДСҚ, ДБҚ махсус таълим муассасалари талабалари – 15%;
- Оилавий (икки ёки ундан ортиқ киши - эри ва рафиқаси, эри ёки рафиқаси ва 18 ёшгача бўлган фарзандлари, отаси ёки 18 ёшга тўлмаган боласи бўлган она) (никоҳ гувоҳномаси ва қариндошликни белгиловчи ҳужжатлар нусхаси тақдим этилган ҳолда) – 15%;
- Коллектив (ҳамкасабларга) (4 кишидан ортиқ - йўриқнома асосида) – 15%;
- "Афросиёб" тезюрар электропоездларида барча тоифадаги йўловчиларга - 10%.

Қўшимча маълумотни Тошкент шаҳридаги 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олиш мумкин. «Замин»ни Telegram’да ўқинг!