Ўзбекистон армиясида бўйи 190 сантиметрдан баланд бўлган ҳарбийларга қандай имтиёзлар берилади?

^{Фото: Марказий ҳарбий округ матбуот хизмати}
Ўзбекистон армиясида бўйи 190 сантиметр ва ундан баланд бўлган ҳарбий хизматчилар қўшимча озиқ-овқат паёги билан таъминланади. Бу ҳақда Марказий ҳарбий округ матбуот хизмати маълум қилди.

Мудофаа, Ички ишлар, Фавқулодда вазиятлар, Ахборот технологиялари вазирлиги ҳамда ДХХ раҳбарлари томонидан тасдиқланган қўшма қарорнинг 30-моддасида ушбу имтиёзнинг берилиш шартлари кўрсатиб ўтилган.

Унга кўра, ҳарбий врачлар комиссияси хулосасига кўра, бўйи 190 сантиметр ва ундан юқори бўлган ҳарбий хизматчиларга қўшин турига қараб, бериладиган озиқ-овқат паёгининг 50 фоизи миқдорида қўшимча берилиши кўзда тутилган.

Озиқ-овқат паёги ўрнида бериладиган бадал пуллари, яъни бир ойда энг кам иш ҳақининг 3 баробари (2019 йил 6 сентябрь ҳолатига кўра ЭКИҲнинг уч баробари 669 000 сўмга тенг) миқдорида қўшимча паёксиз тўлаб берилади. «Замин»ни Telegram’да ўқинг!