Фото: Хоразм вилояти туризмни ривожлантириш департаменти матбуот хизмати
Хивадаги «Ичан-Қалъа» давлат музей-қўриқхонаси «Тошҳовли» саройини таъмирлаш учун 150 минг долларлик АҚШ давлат грантини ютди, деб хабар берди Хоразм вилояти туризмни ривожлантириш департаменти матбуот хизмати.
Ушбу грант бўйича ишлар музей-қўриқхона ходимлари томонидан йил бошидан бошлаб қўйилган эди. 12 сентябрь куни ушбу ҳужжат Америка Қўшма Штатлари маданий мерос дастури бўйича менежери, олим Лаура Тедеско ва АҚШнинг Ўзбекистондаги элчихонаси вакили, маданият ва дастурлар бўйича атташе ёрдамчиси Мухлиса Расулова томонидан музей-қўриқхона директори Шоназар Матякубовга топширилди.
Фото: Хоразм вилояти туризмни ривожлантириш департаменти матбуот хизмати
Кун давомида «Тошҳовли» саройининг таъмирга муҳтож жойлари яна бир бор кўздан кечирилиб, қилинган ишлар сарҳисоб қилинди ва доимий ҳамкорликни йўлга қўйиш белгилаб олинди.
Фото: Хоразм вилояти туризмни ривожлантириш департаменти матбуот хизмати
«Тошҳовли» саройи 1830-1838 йилларда Хива хони Оллоқулихон томонидан қурилган. Сарой баланд девор буржлари ва дарвозалари билан қўрғонни эслатади. Деворлари пишиқ ғиштдан терилгани сабабли «Тошҳовли» деб аталган.
Фото: Хоразм вилояти туризмни ривожлантириш департаменти матбуот хизмати
Сарой учта катта ҳовли - кўринишхона, меҳмонхона, ҳарамдан ҳамда бешта кичик ҳовли ва 163 хонадан иборат. Даставвал ҳарам алоҳида қурилган ва тўғри тўрт бурчак ҳовли, 1-2 қаватли айвон хоналардан иборат бўлган, атрофи буржли қалин девор билан ўраб олинган. Эшик ва устунлар Хива ёғоч ўймакорлик санъатининг юксак намуналаридан саналади. Мармар устун тошлардаги, темир панжаралардаги ўйма нақшларда Хива усталарининг энг мукаммал санъати ўз ифодасини топган. Айни пайтда «Тошҳовли»да «Ҳунармандчилик музейи» фаолият кўрсатмоқда.
Фото: Хоразм вилояти туризмни ривожлантириш департаменти матбуот хизмати “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Велосипедда сайр қилиш учун 3 сабаб: ёшартиради, оздиради ва умрни узайтиради
Германияда мактаб ўқувчилари оммавий равишда ислом динини қабул қилмоқда
Владимир Путин «Крокус»да содир этилган теракт учун ўч олишга чақирди
Россия дунёдаги биринчи водород ёқилғили автомобилни тақдим этди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Қайси кундалик одатлар иммунитет пасайишига олиб келишини биласизми?
Америкалик олимлар барча учун бирдек фойдали жисмоний фаоллик турини аниқлади