Ўзбекистондан 516 минг долларни ноқонуний олиб чиқишга уринган шахс қўлга олинди

  • 05 октябрь 2019, 15:12
  • 808
  • Жамият
  • Ўзбекистондан 516 минг долларни ноқонуний олиб чиқишга уринган шахс қўлга олинди
    Давлат божхона қўмитаси Контрабанда ва божхона қонунчилиги бузилишига қарши курашиш бошқармаси ходимлари ДХХ ходимлари билан ҳамкорликда йирик миқдордаги нақд хорижий валюталарнинг ноқонуний айланмасига чек қўйишди. Бу ҳақда Давлат божхона қўмитаси ахборот хизмати хабар бермоқда.

    2019 йил 3 октябрь куни Фарғона вилоятида ўтказилган тезкор тадбир давомида фуқаро М.Н. бошқарувидаги “LADA XRAY” русумли автоулов қўшни давлатга ўтиш мақсадида ҳаракатланиб кетаётган вақтида тўхтатилди.

    Автоуловни тўхтатиш жараёнида ҳайдовчи М.Н. мазкур автоуловдан ўрамларни олиб, қир-адирга яширишга уринган вақтида қўлга олинди.
    Қора пакетларга солинган мазкур ўрамлар қонунбузарнинг ўзи ва холислар иштирокида кўздан кечирилганда, уларда жами 516 486 нақд АҚШ доллари мавжудлиги ва мазкур нақд хорижий валюталарни қўшни давлатга ноқонуний олиб чиқиш режалаштирилганлиги аниқланди.
    Ҳозирда қонунбузардан нақд хорижий валюталар ашёвий далил сифатида олиб қўйилиб, ҳолат юзасидан суриштирув ҳаракатлари давом эттирилмоқда.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Ўзбекистондан 516 минг долларни ноқонуний олиб чиқишга уринган шахс қўлга олинди