Амир Олимхон отасининг қабри нима учун 2 марта очилиб, қабртоши янгилангани маълум бўлди

Бухоронинг сўнгги амири Амир Олимхоннинг отаси Абдулаҳадхон қабри бир неча марта очилгани маълум бўлди. Бу ҳақда ЎзА хабар берди.

^{Фото: Akhbor.com}
Қайд этилишича, Навоий вилоятининг Кармана шаҳридаги «Қосим Шайх» мажмуасида дафн этилган амир Абдулаҳадхон қабртоши бир неча марта янгиланган ва ҳозирга қадар икки марта очилган.

«Қабр 1943-44 йилларда ва 1984 йилда очилгани бизга маълум. Бунга сабаб унинг ўғли Амир Олимхоннинг афсонавий бойликлари — олиб кета олинмаган арава-арава тиллалар шу ерга кўмилган бўлиши тахмин қилиниб, очилган. Ҳеч қандай бойлик топилмаган, бироқ жасадга зарар етказилган», — деган Навоий вилояти тарих ва маданият музей ходими Лола Саидова.

Шунингдек, ўз даврида Бухоро амирлигини бошқарган бу инсон учун нега бу макон охирги манзил бўлди, деган саволга «Чунки Абдулаҳадхон Карманада туғилган, Бухорони ҳам шу ердан туриб бошқарган», деб жавоб берган. “Zamin”ни Telegram'да ўқинг!