Парламент: янги қонун лойиҳаси билан тадбиркорлик соҳасидаги «ўлик жон»ларга барҳам берилади

  • 23 октябрь 2019, 10:01
  • 548
  • Жамият
  • Парламент: янги қонун лойиҳаси билан тадбиркорлик соҳасидаги «ўлик жон»ларга барҳам берилади
    Қонунчилик палатасининг 22 октябрь кунги мажлисида халқ вакиллари «Тадбиркорлик субъектларини тугатиш тартиби такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини кўриб чиқишда ўзаро баҳсга киришиб кетдилар.

    Қонунчилик палатаси сайтига кўра, муҳокама этилаётган қонун лойиҳаси тадбиркорлик субъектлари фаолиятини тугатиш жараёнларини тартиб ва таомилларини янада соддалаштириш, шаффофлигини оширишга қаратилган.

    Мазкур қонун лойиҳасига кўра, тадбиркорлик субъектларини тугатишни тартибга солувчи норматив-ҳуқуқий ҳужжатларга молия-хўжалик фаолиятини амалга оширмаётган деб ҳисоблаш учун асос бўладиган муддат тўққиз ойни ташкил этиши белгиланмоқда. Яъни, эндиликда тадбиркорлик субъекти шунча муддат фаолият юритмаса, тугатилиши учун асос яратилмоқда.

    Лойиҳа билан молия-хўжалик фаолиятини амалга оширмаётган корхоналар давлат солиқ хизмати органининг тақдимномасига асосан, рўйхатдан ўтказувчи орган томонидан Тадбиркорлик субъектларининг Ягона давлат реестридан уч йил муддатга ҳаракатсиз режимга ўтказилиши белгиланмоқда. Ҳаракатсиз режимига ўтказилган корхоналар фаолияти уч йил давомида тикланмаган тақдирда рўйхатдан ўтказувчи орган уларни тадбиркорлик субъектларининг Ягона давлат реестридан чиқариб юборади. Яъни, тадбиркорлик соҳасида “ўлик жон”ларга барҳам берилади.

    Лойиҳа парламент қуйи палатаси томонидан муҳокама этилиб, тегишли қарор қабул қилинди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Парламент: янги қонун лойиҳаси билан тадбиркорлик соҳасидаги «ўлик жон»ларга барҳам берилади