Тошкентда 27 ноябрь куни МДҲ Давлатлараро статистика қўмитаси, БМТ Аҳолишунослик жамғармаси (ЮНФПА) ва Ўзбекистон Республикаси Давлат статистика қўмитаси ҳамкорлигида “Мустақил Давлатлар Ҳамдўстлигига аъзо давлатларда аҳолини рўйхатга олиш: 2020 йил давраси” мавзуида халқаро семинар бўлиб ўтди. Бу ҳақда Ўз А хабар бермоқда.
Бугунги кунда МДҲ мамлакатларида аҳолини рўйхатга олиш бўйича муҳокамалар олиб борилмоқда. Жумладан, Президент Шавкат Мирзиёевнинг 2019 йил 5 февралдаги “Ўзбекистон Республикасида 2022 йилда аҳолини рўйхатга олишни ўтказиш концепциясини тасдиқлаш тўғрисида”ги фармонига мувофиқ, 2022 йилда мамлакатимиз замонавий тарихида биринчи марта аҳолини рўйхатга олиш ўтказилиши белгиланган.
МДҲга аъзо мамлакатлар аҳолини рўйхатга олиш 2020 йил раундида қатнашмоқда. Шунга кўра, рўйхатга олиш дастурларига киритиш учун кўрсаткичлар, саволлар тарифи ва уларни тўлдириш учун услубий кўрсатмалар Ҳамдўстликка аъзо давлатлар статистика идоралари билан келишилди. Бу минтақада аҳолининг фаол ҳаракатланиши учун муҳим бўлган миграция ҳажми ва оқими тўғрисида солиштирма маълумотларни олиш ва Ҳамдўстлик мамлакатлари нуфузининг умумий ишчи кучини баҳолаш имконини беради.
Тадбирда жорий йил октябрь ойида Озарбайжон ва Беларусь Республикаларида ўтказилган аҳолини рўйхатга олишнинг дастлабки натижалари, мамлакатимиз ва Ҳамдўстликка аъзо бошқа давлатларда аҳолини рўйхатга олишга тайёргарлик жараёни, шунингдек, барқарор ривожланиш мақсадларини мониторинг қилиш учун аҳолини рўйхатга олиш ахборот манбалари имкониятлари ҳақида сўз юритилди.
– Ўзбекистонда охирги марта аҳолини рўйхатга олиш 1989 йилда ўтказилган, – дейди Давлат статистика қўмитаси масъул ходими Шерзод Дўснаев. – Бугунги кунда аҳолини рўйхатга олиш имкониятлари кенгайди. Замонавий ахборот-коммуникация технологиялари ва маълумотларни тўплашнинг рақамли усулларидан кенг фойдаланиш, электрон харита ва анкеталар, интернет, маъмурий маълумотлар манбалари шулар жумласидан. Мазкур халқаро семинар Ҳамдўстлик мамлакатлари статистика идоралари мутахассислари учун ўзаро тажриба алмашиш имконини беради, аъзо давлатларнинг статистик салоҳиятини мустаҳкамлашга ҳисса қўшади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоҳида Умарова нима сабабдан ўғли ва келини билан бирга яшамаслигини айтди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Рамзан Қодировнинг 19 ёшли қизи медаль билан тақдирланди
Германиянинг Knauf компанияси Россиядан бутунлай чиқиб кетишини тасдиқлади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Damas учун онлайн контрактация очилади
Футзал. Осиё Кубоги. Тожикистон Японияни гуруҳда қолдирди