28 ноябрь Ўзбекистон Бандлик ва меҳнат муносабатлари вазирлигида Меҳнат вазирлиги, «Ўзагросуғурта» АЖ ҳамда «Микрокредитбанк» АТБ ўртасида ҳамкорлик меморандумларини имзолаш маросими бўлиб ўтди, деб хабар берди Бандлик ва меҳнат муносабатлари вазирлиги матбуот хизмати.
Уч томонлама ҳамкорлик муносабатларини назарда тутувчи «Вақтинчалик меҳнат фаолиятини амалга ошириш учун хорижга жўнаб кетаётган Ўзбекистон фуқароларига микроқарзлар тақдим этиш бўйича ҳамкорлик меморандуми»га кўра, вақтинчалик меҳнат фаолиятини амалга ошириш учун хорижга жўнаб кетаётган Ўзбекистон фуқароларига хорижда ишга жойлашиш харажатларини қоплаш мақсадида бир йил муддатга 2 миллион сўм миқдорида микроқарзлар тақдим этилади.
Бунда микроқарзларни расмийлаштириш жараёни бир банк кунида амалга оширилиб, бунинг учун паспорт, ариза каби минимал ҳужжатлар талаб қилинади.
Микроқарзларнинг йиллик фоизи 2019—2020 йилларда 10 фоиз ва 2021 йилда 12 фоиз этиб белгиланган.
Мазкур кредитлар Ўзбекистон Республикаси Бандлик ва меҳнат муносабатлари вазирлигининг labour-migration дастурий мажмуасида рўйхатдан ўтган меҳнат мигрантларига берилади.
Шунингдек, Меҳнат вазирлиги ва «Ўзагросуғурта» АЖ ўртасида «Вақтинчалик меҳнат фаолиятини амалга ошириш учун хорижга кетаётган Ўзбекистон Республикаси фуқароларининг ҳаёти ва соғлиғи соҳасида ҳамкорлик меморандуми» имзоланди.
Ушбу ҳужжат билан фуқароларнинг чет элда вақтинча ишлаши даврида уларнинг ҳаёти ва соғлиғини суғурталаш суғурта мукофоти миқдорини қоплаш учун 50 минг сўм миқдорида бир марталик субсидиялар тақдим этилади.
Ушбу суғурта маблағлари Ўзбекистон Бандлик ва меҳнат муносабатлари вазирлиги ҳузуридаги Хорижда меҳнат фаолиятини амалга ошираётган фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси ҳамда Бандликка кўмаклашиш давлат жамғармаси ҳисобидан амалга оширилади.
Мазкур меморандумларда кўрсатилган вазифаларнинг амалиётга татбиқ этилиши хорижда меҳнат фаолиятини олиб бораётган фуқароларни қўллаб-қувватлаш, уларнинг хавфсизлигини таъминлаш, ҳаёти, соғлиғини асраш йўлидаги муҳим қадамлардан бири бўлди, дейилади хабарда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
Зеленский: Россия Украинанинг иссиқлик энергетикасини деярли тўлиқ яксон қилди
Тадбиркорларга қўлланадиган молиявий жарима камайтирилади
Қондаги шакар миқдорини тартибга солувчи фойдали мева номи айтилди
