Автоуловнинг “бўш” юкхонасига нима яширилган эди?

  • 03 декабрь 2019, 07:00
  • 793
  • Жамият
  • Автоуловнинг “бўш” юкхонасига нима яширилган эди?
    Таркибида рангли металлар бўлган агрегатларни талон-торож қилиш билан боғлиқ ҳуқуқбузарлик фактлари, рангли металл парчалари ва чиқиндиларини яширинча тайёрлаш, уларни мамлакат ташқарисига ноқонуний олиб чиқиб кетишга уриниш ҳолатлари учраб турибди.

    Хусусан, Самарқанд вилояти божхона бошқармаси томонидан ўтказилган тезкор тадбир давомида, фуқаро Н.К. бошқарувидаги “ISUZU” русумли автомашина тўхтатилиб, белгиланган тартибда назоратдан ўтказилди. Бу ҳақда Давлат божхона қўмитаси ахборот хизмати хабар бермоқда.
    Натижада, автомашина юкхонасида тегишли ҳужжатлари бўлмаган, умумий оғирлиги 1305 килограмм бўлган мис, алюминий ва магний рангли металл парчалари яширилганлиги аниқланди.

    Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
    Таъкидлаш жоизки, Ўзбекистон Республикаси Вазирлар Маҳкамасининг “Рангли ва қора металлар парчалари, чиқиндилари билан ишлаш тартибини такомиллаштириш тартибини такомиллаштириш чора-тадбирлари тўғрисида” 2018 йил 6 июндаги 425-сон Қарорига асосан жисмоний шахслар ҳам металл парчаларини эркин нархларда “Ўзметкомбинат” ва “Ўзиккиламчиранглиметалл” акционерлик жамиятларига топширишлари мумкин.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Автоуловнинг “бўш” юкхонасига нима яширилган эди?