Расман: талабалар учун қишки таътил вақти маълум қилинди

  • 05 декабрь 2019, 14:23
  • 1 410
  • Жамият
  • Расман: талабалар учун қишки таътил вақти маълум қилинди
    Олий таълим муассасалари талабалари ва академик лицей ҳамда профессионал таълим муассасалари ўқувчиларига 2019-2020 ўқув йили қишки таътил даври 2019 йил 20 декабрдан 2020 йил 6 январгача этиб белгиланди. Бу ҳақда вазирлик ўз каналида расман маълум қилди.

    2019 йилнинг 22 декабрида Ўзбекистон Республикаси Олий Мажлиси, халқ депутатлари вилоят, туман ва шаҳар Кенгашларига умумхалқ сайловлари ўтказилиши муносабати билан талабалар ва ўқувчиларнинг ўзи доимий рўйхатдан ўтган яшаш жойида овоз беришлари учун қишки таътил муддати ўзгартирилди.

    Бу ҳақда тегишли қарор Ўзбекистон Республикаси Бош вазири ўринбосари раислигида бўлиб ўтган йиғилишда қабул қилинган.

    Қорақалпоғистон Республикаси ва вилоятларга кетадиган талаба ва ўқувчиларнинг қишки таътил пайтида доимий яшаш жойларига бориб-келишлари учун қулайликлар яратиш мақсадида жорий йилнинг 16 декабридан 22 декабрь кунига қадар ҳамда 2020 йилнинг 1 январидан 6 январига қадар 50 % чегирма асосида йўл чипталари сотувини йўлга қўйилади.

    2020 йил 6 январь - душанба ўқишнинг биринчи куни этиб белгиланди.

    » » Расман: талабалар учун қишки таътил вақти маълум қилинди