Фото: «M.123ru.net»
Цюрих, Базель ва Лозанна дунёдаги энг қиммат шаҳарлар деб топилди. Бу ҳақда январда яшаш қиймати индекси бўйича чоп этилган «Numbeo» маълумотлар базасида маълум қилинди.
Рейтингдаги тўртинчи ва бешинчи ўринларни ҳам Швейцария шаҳарлари эгаллади — Женева ва Бёрн. Улардан сўнг Ставангер, Осло, Тронхейм (Норвегия), Рейкьявик (Исландия) ва Берген (Норвегия) ўнталикка киритилди.
Рейтингга жами 440 та шаҳар киритилган. Яшаш қийматини баҳолашда ресторан ва дўконлардаги нарх-наволар, транспорт ва коммунал хизматларга кетадиган харажатлар, шунингдек, аҳолининг харид қобилияти ҳисобга олинган. Турар жой сотиб олиш ва ижара алоҳида ҳисобланади.
АҚШ пойтахти 17-ўринда, лекин мамлакатнинг энг қиммат шаҳри Нью-Йорк экан: 11-ўрин.
Россиянинг энг қиммат шаҳри — Москва 251-ўриндан жой олди. Санкт-Петербург эса — 284-ўринда.
Шунингдек, рейтингда Токио (18-ўрин), Сеул (23-ўрин), Париж (24-ўрин), Лондон (28-ўрин), Дубай (152-ўрин), Берлин (171-ўрин), Боғдод (283-ўрин), Истанбул (325-ўрин), Анқара (362-ўрин), Измир (377-ўрин) ва бошқа шаҳарлар қайд этилган. Рейтинг билан тўлиқ «Numbeo»да танишишингиз мумкин.
Қўшниларимиздан фақат Қозоғистоннинг Нурсултон (386), Олмаота (389) ҳамда Қирғистоннинг Бишкек (410) шаҳарлари киритилган.
Тошкент рейтингга киритилган 440 та шаҳар орасида 413-ўриндан жой олган. Ўзбекистон пойтахтидан кейин Ҳиндистоннинг 24 та ва Покистоннинг 3 та шаҳри рейтингга якун ясаб берган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди