Ангренда 2 та юк машинаси иштирокида ЙТҲ юз берди (фото)

^{Фото: Тошкент вилояти ИИББ матбуот хизмати}
Тошкент вилояти Ангрен шаҳрида 16 январь, пайшанба куни кечқурун иккита юк машинаси иштирокида йўл-транспорт ҳодисаси юз берди. Бу ҳақда Тошкент вилояти ИИББ матбуот хизмати маълум қилди.

Хабар берилишича, 16 январь куни соат 23:00 да «Тошкент—Ўш» автомобиль йўлининг 182-километрида ҳайдовчи Ж.З. «МАЗ» русумли юк автомобилини Наманган вилоятидан Тошкент шаҳрига бошқариб кетаётган вақтида ҳайдовчи Д.Н. бошқарувидаги MAN русумли юк автомобили унинг ортидан келиб урилган.

<sup>Фото: Тошкент вилояти ИИББ матбуот хизмати

Фото: Тошкент вилояти ИИББ матбуот хизмати</sup>
ЙТҲ натижасида транспорт воситалари техник шикастланган ва MAN ҳайдовчиси Д.Н. оёқ синиши жароҳати билан Ангрен шаҳар марказий шифохонасига ётқизилган. «Замин»ни Telegram’да ўқинг!