15:58 / 20.01.2020
4 235

Блогер Нафосат Оллошукурова Ўзбекистонни тарк этганини маълум қилди

Блогер Нафосат Оллошукурова Ўзбекистонни тарк этганини маълум қилди
Фото: Facebook
Хоразмлик блогер Шабнам (Нафосат) Оллошукуров Ўзбекситонни тарк этди. Бу ҳақда унинг ўзи ижтимоий тармоқдаги саҳифасида маълум қилди.
Блогер ватанни тарк этишини «фаолияти давомида кўплаб тазйиқларга учргани билан» ифодалайди.

Маълумки, Нафосат Оллошукурова ўтган йилнинг сентябрь ойида Маъмурий жавобгарлик тўғрисидаги кодекснинг бир неча моддалари билан айбдор деб топилиб, 10 суткага «кесилган»ди. Тайинланган жазо муддатини ўтаётган пайтда «руҳиятида ўзгаришлар сезилганлиги» важи билан «тез тиббий ёрдам чақиртирилиб, психиатрнинг тавсияси билан у вилоят руҳий асаб касалликлари диспансерига ўтказилади».

Уч ойдан сўнг руҳий-асаб касалликлари диспансеридан жавоб берилган Оллошукурова уйига қайтганидан кейин ҳам хотиржам бўлмаганини алоҳида қайд этиб, «...Руҳий касалликлар шифохонасидан озод этилгач, мени Соғлиқни сақлаш вазирлиги психиатри Левон Амбарцумов бошчилигида рўйхатдан ўтказиш баҳонасида яна олиб кетишга уринишлар бўлди. Улар келган пайтда уйда бўлмаганим боис қутулиб қолишга муяссар бўлдим», деб ёзади у.

Сўзининг охирида блогер юртни тарк этишига ёрдам берганларга ташаккур айтиб, улар қатори АҚШнинг Ўзбекистондаги элчихонасини ҳам тилга олади.
Ўн кун аввал Нафосат Оллошукурова «gazeta.uz»га берган интервьюсида ўзини хавфсиз ҳис этмаётганини таъкидлаб, одамлардан соғлом эканига ишонишларини сўраган эди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Блогер Нафосат Оллошукурова Ўзбекистонни тарк этганини маълум қилди