Истеъмолчиларнинг ҳуқуқий саводхонлигини ошириш бўйича семинар бўлиб ўтди

Қарши давлат университетида ўтказилган ўқув семинарида Мажбурий ижро бюроси Қашқадарё вилоят бошқармаси, монополияга қарши курашиш қўмитаси ҳузуридаги истеъмолчилар ҳуқуқларини ҳимоя қилиш агентлиги Қашқадарё вилояти ҳудудий бошқармаси, Қашқадарё “Ҳудудгаз” МЧЖ, Қашқадарё ХЭТ, Ўзбекистон миллий метрология институти давлат корхонаси ва бошқа коммунал соҳага алоқадор ташкилот вакиллари иштирок этишди.

Семинарда қатнашган Қарши давлат университети, Қарши муҳандислик иқтисодиёт институти ҳамда Муҳаммад ал-Хоразмий номидаги Тошкент ахборот технологиялари университети Қарши филиалининг ўқитувчи ва талабаларига истеъмолчи сифатида билишлари зарур бўлган маълумотлар, қонунчиликдаги ва соҳаларга татбиқ этилаётган янгиликлар, келгусидаги режалар ҳақида атрофлича тушунтиришлар берилди.
Ўқув семинари савол-жавоб тарзида давом эттирилди. «Замин»ни Telegram’да ўқинг!