Халқаро пресс-клубнинг навбатдаги сессиясида Президентимиз Шавкат Мирзиёевнинг мурожаатномасида илгари сурилган ғоя ва ташаббуслар, уларни амалга ошириш билан боғлиқ масалалар муҳокама қилинди.
Сессияда иштирок этган Ўзбекистон Адлия вазири Русланбек Давлетов мурожаатномада қайд этиб ўтилган “ҳалоллик вакцинаси” ҳақида ўз фикрини билдирди.
Вазирнинг қайд этишича, мурожаатномада “ҳалоллик вакцинаси” ҳақида сўз юритилиши билан бирга, у нима экани ҳам очиб берилди. Рақамли иқтисодиёт, шаффофлик, суд тизимининг мустақиллиги, қонун устуворлиги амалда қандай таъминланиши бўйича айтилган мулоҳазаларнинг барчаси замирида, айниқса, шаффофлик тамойилида бу вакцина.
Ўзаро соғлом рақобат бор жойда, шаффофлик бор жойда ҳеч қачон коррупцияга ўрин бўлмайди.
- Институционал жиҳатдан кейинги босқичга ўтиш жараёнида коррупцияга қарши курашиш учун алоҳида орган тузиш таклиф этилди, — деди Р.Давлетов. — Ҳуқуқшунос сифатида бу ҳаракатни олқишлаймиз. Чунки маълум бир орган ўзининг асосий вазифаси сифатида бу иш билан шуғулланмаса, бари-бир биз кутган натижага эришиш қийин.
Бироқ, орган тузиш қийин эмас, лекин шу орган эртага қандай ишлаб кетади? Шунга жиддий эътибор қаратиш зарур. Чунки бизда йиллар давомида шаклланган органлар тизими бор. Уларнинг функция ва вазифалари белгиланган ҳамда улар тезкор гуруҳлар ва бошқа воситаларга эга. Шунинг учун янги орган тузишда органлардаги параллелизм яъни такрорланишни йўқотиш, ваколатларни аниқ белгилаш зарур. Энг асосийси, унинг мустақиллигини таъминлаш керак. Зеро, ҳозирдан одамларда бу орган тузилса, уни ким назорат қилади, деган савол туғилмоқда. Шунинг учун бунинг ечими – шаффофлик ва ҳисобдорлик бўлиши даркор. Ўйлаймизки, илгари сурилган янги ғоя жамиятда чинакам ўзгаришга олиб келади.
Адлия вазири ўз сўзида якунига етаётган ҳафтада бўлган сиёсий тадбирлар ичида Президентимизнинг халқимизга қилган мурожаатномаси уларинг кульминацияси бўлганини алоҳида таъкидлади. Мурожаатномада аҳолининг барча қатламига тегишли масалалар кўтарилди.
Дастурий ҳужжатда 3 дастур, 4 концепция, 6 кодекс, 15 қонун ишлаб чиқилиши кўзда тутилган. Яъни, бу ҳуқуқшунослар учун қилинадиган ишлар кўлами. Демак, олдимизда жуда катта меҳнат турибди. Биз, албатта, бу буни амалга оширамиз. Бунинг учун ҳаракат режаларимиз бор. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Қайси кундалик одатлар иммунитет пасайишига олиб келишини биласизми?
Ортиқча вазнли инсонлар учун соғлом овқатланишнинг бешта муҳим қоидаси
Лукашенко Ғарбга таҳдид билан чиқди
Сариқми ёки яшил: қайси турдаги банан фойдалироқ?
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Тошкентда 02 кодли авторақамлар тахминан қачон пайдо бўлиши айтилди
“Толибон” Афғонистоннинг Хост вилоятида беш нафар фуқарони қамчи билан жазолади
