3 426
Зангиотада 4,5 минг доллар пул тикиб, зотдор итлар уриштирилишини ташкил қилган шахс қўлга олинди
26 январь, якшанба куни соат 11:55 атрофида ИИВ ЖҚББ ва Зангиота туман ИИБ ходимлари томонидан ҳамкорликда ўтказилган тезкор тадбир давомида 29 ёшли Р.А. Назарбек қўрғонида жойлашган қурилиши тамомланмаган уйда ит уриштириш учун махсус жой ташкил қилганлиги аниқланган. Бу ҳақда ИИВ Тергов департаменти маълум қилди.
Ўйинга 26 ёшли Д.Қ. 2000 АҚШ доллари ҳамда унинг ўзи 2450 доллар ва 500 минг сўм миқдоридаги пулларни тикиб, ўзларига тегишли бўлган «Питбуль» зотдор итлар уриштиришини ташкил қилиб, 49 ёшли А.Х.ни ҳакамлик қилиш учун жалб қилган.
Тадбир давомида А.Х.дан қўл тарозиси ва жами 4450 АҚШ доллари ва 500 минг сўм миқдоридаги пул ашёвий далил тариқасида процессуал тартибда расмийлаштириб олинган.
Мазкур ҳолат юзасидан Зангиота туман ИИБ ҳузуридаги Тергов бўлими томонидан Жиноят кодексининг 278-моддаси 1-қисми (Қимор ва таваккалчиликка асосланган бошқа ўйинларни ташкил этиш ҳамда ўтказиш) билан жиноят иши қўзғатилган. Р.А.га нисбатан тегишли модда билан айб эълон қилиниб, «қамоққа олиш» тарзидаги эҳтиёт чораси қўлланилган.
Жиноят қуроли сифатида фойдаланилган итлар ҳозирда туман ИИБ биносида парваришланган ҳолда сақланмоқда. Итларнинг келгусида сақлаш жойи ва уларнинг эгаларига ҳайвонларга нисбатан шавқатсиз муносабатда бўлганлиги учун жавобгарлик масаласи кўриб чиқилмоқда. Дастлабки тергов ҳаракатлари давом этмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тошкентда 02 кодли авторақамлар тахминан қачон пайдо бўлиши айтилди
Германияда ишлаш истагида бўлган ўзбекистонлик мутахассислар учун немис тили ўргатилади
Велосипедда сайр қилиш учун 3 сабаб: ёшартиради, оздиради ва умрни узайтиради
Учар автомобил йўловчи билан биринчи парвозини амалга оширди (видео)
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Владимир Путин «Крокус»да содир этилган теракт учун ўч олишга чақирди
Америкалик олимлар барча учун бирдек фойдали жисмоний фаоллик турини аниқлади
“Толибон” Афғонистоннинг Хост вилоятида беш нафар фуқарони қамчи билан жазолади