Фото: «Дарё»
Ўзбекистон бош прокурори ва ички ишлар вазири ҳокимларга коррупцияга қарши курашиш бўйича махсус топшириқ берди. Бу ҳақда Ўзбекистон Президенти ҳузуридаги Давлат бошқаруви академиясида 85 нафар ҳоким учун ташкил этилган машғулотларда маълум қилинди, дея хабар беради «Дарё» нашри.
Маълум бўлишича, жорий йилнинг 27 январь—6 февраль кунлари Ўзбекистон Президенти ҳузуридаги Давлат бошқаруви академиясида Қашқадарё, Сурхондарё, Фарғона, Андижон, Навоий ва Бухоро вилоятлари ҳоким ўринбосарлари ва туман ҳокимларидан иборат 85 нафар тингловчи учун малака ошириш дарслари ташкил этилган.
Вилоят ҳокими ўринбосарлари ва туман ҳокимларидан иборат 85 нафар мансабдор иштирок этган машғулотда бош прокурор Ниғматилла Йўлдошев ҳамда ички ишлар вазири Пўлат Бобожонов ҳокимларга коррупцияга қарши курашиш бўйича махсус топшириқ берган.
Фото: «Дарё»
— Ўзбекистон Президенти ҳузуридаги Давлат бошқаруви академиясида ҳокимларга машғулот ўтган бош прокурор Ниғматилла Йўлдошев, ИИВ вазири Пўлат Бобожонов ва Олий Суд раиси Козимжон Комилов коррупция муаммосига қарши муросасиз курашиш лозимлигини таъкидлаб, ҳар бир ҳоким ўз ҳудудидаги коррупцион ҳолатларга тўғридан-тўғри жавобгар бўлишини таъкидлади. Иллатга қарши биргаликда курашиш лозимлигини айтди, — дейди Деҳқонобод тумани ҳокими Зоир Алиқулов.
— Ана шу махсус топшириқдан келиб чиққан ҳолда бугун Деҳқонободда барча раҳбарлар иштирокида семинар ташкил этдик ва коррупция домига тушган мансабдорлар ҳақидаги видеорликни намойиш қилдик. Мақсадимиз туман раҳбарларини огоҳлантириш ва бу иллатга қарши муросасиз курашдан иборат эканлигини тушунтирдик.
Таъкидланишича, туман ҳокими раҳбарлигида ўтган йиғилишда Зоир Алиқулов тумандаги барча ташкилот раҳбарларини коррупция домига ботмасликка чақириб, туманда мазкур иллатга қарши курашиш учун махсус ишонч телефонлари ташкил этилганлигини, бу каби ҳолатлар ҳоким назоратида бўлишини таъкидлаган.
Эслатиб ўтамиз, бош прокурор Ниғматилла Йўлдошев раҳбарлигида ўтган йиғилишда сўнгги икки йилда ер сотиш, талон-торож қилиш билан боғлиқ ҳолатлар юзасидан 473 та жиноят иши қўзғатилиб, 543 нафар шахс жиноий жавобгарликка тортилгани, бу жиноятларнинг 71 таси порахўрлик эканлиги таъкидлаб ўтилганди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Пентагон раҳбари Хитойни АҚШнинг асосий рақиби деб атади
Рассом оддий нарсалардан сеҳрли ва қизиқарли санъат асарлари яратмоқда
Хоакин Бакли "қаттиқ" жангчи. Бироқ Нурсултон Рўзибоев...
Надаль Мадриддаги мағлубиятига эмоционал тарзда муносабат билдирди
Жасур Абдураимов: "Олимпиадага чиққанимиз ортидан рақибларнинг бизга нисбатан ҳурмати ошади"
Украина камикадзе дронлари Белгород вилоятидаги аҳоли пунктларига ҳужум уюштирди
Тимур Кападзе Японияга қарши кечган финалдан сўнг нималар деди?