Тошкент шаҳри, Яккасарой тумани, «Юнус Ражабий» маҳалласида кўп йиллик 81та дарахтларнинг қонунга хилоф равишда кесилгани ҳолати бўйича тўпланган ҳужжатлар ўрганилиб, айбдорларга нисбатан жиноят иши қўзғатилди.
Шунингдек, бугун соат 16:00да Тошкент шаҳар прокуратурасида мутасадди идоралар иштирокида мазкур ҳолат юзасидан тезкор йиғилиш ўтказилди. Тошкент шаҳар прокурорининг 23 февралдаги буйруғи билан Яккасарой туман прокурори Н.А.Аллабергеновага ўз хизмат вазифасини лозим даражада бажармай, туманда қонунлар ижроси устидан етарли прокурор назоратини ўрнатмагани учун ҳайфсан эълон қилинди», дейилади шаҳар прокуратураси баёнотида.
Эслатиб ўтамиз, 21 февраль куни Тошкент шаҳар экология ва атроф муҳитни муҳофаза қилиш бошқармаси инспекторлари Яккасарой тумани, Ю.Ражабий маҳалласи ҳудудида 81 туп дарахт кесиб ташланганини аниқлади.
Бугун, 23 февраль куни Тошкент шаҳар прокуратураси «Building And Supplies» МЧЖ томонидан унга ажратилган ер майдонидаги кўп йиллик 81 туп дарахт қонунга зид равишда кесилгани оқибатида ўсимлик дунёсига 630,4 млн сўм моддий зарар етказилгани ҳақида маълум қилди.
Мазкур ҳолат юзасидан Яккасарой тумани ҳокимлиги ва «Building And Supplies» МЧЖ мансабдор шахсларига нисбатан жиноят иши қўзғатилган. Дов-дарахтларни кесишга рухсатнома берган Яккасарой тумани ҳокими ўринбосари А.Саттаров жиноят иши бўйича айбланувчи тариқасида жалб қилинган, «Building And Supplies» МЧЖ раҳбари А.Қодировга айблов эълон қилинган. Дастлабки терговда айбланувчилардан 1 млрд. 891,3 млн. сўм ундирилган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Сирдарёда бюджетга жуда кўп миқдорда зарар етказган майнинг ферма аниқланди
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди