МИБ Cирдарёда 1,5 млрд. сўм маблағ ундирди

Мажбурий ижро бюроси Мирзаобод туман бўлими Гулистон туманлараро иқтисодий суднинг 27.12.2019 йилдаги қарорига асосан қарздор «GULISTON GOLD YARN» МЧЖдан ундирувчи «TUKIMACHI ABDULLOH» МЧЖ фойдасига 1,5 млрд. сўм қарздорлик ундириш тўғрисидаги ижро ҳужжати бўлим иш юритувига қабул қилинган эди.

Мажбурий ижро ҳаракатлари давомида, ушбу ижро ҳужжатига асосан МЧЖ фойдасига 1,5 млрд. сўм қарздорлик ундириш мақсадида «GULISTON GOLD YARN» МЧЖнинг банк ҳисоб рақамларига банд солинган. Шунингдек, қарздор корхонага тегишли бўлган ISUZU русумли автобус хатланиб, жарима майдончасига олиб борилди.

Натижада, жорий йилнинг 24 февраль куни ижро ҳаракатлари давомида «TUKIMACHI ABDULLOH» МЧЖ фойдасига 1,5 млрд. сўм маблағлар тўлиқ ундирилиб берилган ва ижро иши амалда тўлиқ ундирилганлиги сабабли тамомланди, дея маълум қилди МИБ Сирдарё вилоят бошқармаси жамоатчилик билан алоқалар ва ҳуқуқий ахборот тармоғи. «Замин»ни Telegram’да ўқинг!