Банкнинг 1,46 млрд сўм кредитини нақдлаштириб, Malibu сотиб олган тадбиркорга қарши иш очилди

Бош прокуратура ҳузуридаги Департаментнинг Чиноз тумани бўлими томонидан кредитни нақдлаштириб, пулни бошқа мақсадларга сарфлаб юборган тадбиркорга нисбатан жиноят иши қўзғатилди.

«О.Г.» компанияси раҳбари А.Р. 2019 йилда банк муассасасидан ажратилган 1,46 миллиард сўм кредит маблағларини турли йўллар билан нақдлаштиришга эришган. У кредит қарздорлигини тўламай, талон-торож қилган.

«Шунингдек, ушбу маблағлар ҳисобидан Malibu ҳамда 92 миллион сўмлик хўжалик ва маиший техника воситаларини харид қилиб, жиноий фаолиятдан олинган даромадларини легаллаштирган», — дейилади Бош прокуратура ахборотида.

Қайд этишларича, ушбу ҳолат юзасидан Жиноят кодексининг тегишли моддалари билан жиноят иши қўзғатилиб, тергов олиб борилмоқда. “Замин” янгиликларини “Youtube”да кузатиб боринг