Фото:«Xabar.uz»
Бу йил 8 март санаси дам кунига тўғри келди. Шу боис халқаро хотин-қизлар куни муносабати билан ўтказиладиган тадбирлар кечаданоқ бошланиб кетди. Байрамни бошқа кунларда нишонлашда кўпам ғайритабиийлик йўқ. Айниқса, иш соати унчаям чегараланмаган, боз устига дам олиш кунлариям ишхонага келиш одатга айланган ташкилотларда! Зеро, бундай даргоҳларда меҳнат қилаётган аёллар кам эмас. Ҳатто раҳбарлик лавозимига лойиқ кўрилган нозик жинс вакилалари бор. Бу йилги айём дам олиш кунига тўғри келгани оғир иш куни жараёнида «яйраб олиш»га яхшигина сабаб бўлди-да.
Иш куни ва иш соатига унчаям «амал қилинмайдиган» органлардан бири - прокуратура! Кечга бориб, аксарият ходимларнинг «суроби тортилиб» қоладиган бу даргоҳда ҳам кеча хотин-қизлар куни муносабати билан ихчам тадбир ўтказилди. Унда тизимда фаолият кўрсатаётган хотин-қизлар шаънига ширин лутф, самимий тилак айтилиб, совға-саломлар билан сийланиши табиий. Шундай бўлди ҳам. Бироқ ҳозир гап бундагина эмас.
Фото:«Xabar.uz»
Соҳа ходимлари, айниқса, раҳбарлари - касб тақазосими ёки «йўргакда текканми» - мудом жиддий, айни ҳолат юзига бамисоли нақш этилгандай. Маҳкаманинг ички мажлисларидаги «протоколний муҳит» ўз йўлигаку-я, ҳатто бирор байрам муносабати билан ўтказиладиган тадбирларни ҳам жиддият юки босиб кетарди-да.
Кечаги тадбирда ҳам шу аҳвол кутилаётганди. Сўз Бош прокурор ўринбосари Светлана Ортиқовага берилгач, вазият бирдан ўзгарди. Шу тизимида суяги қотганига қарамай аксарият ҳамкасбларидан фарқли равишда анча-мунча «қолип»га кўпам сиғавермайдиган Светлана Боймирзаевна анча жўшқин ва қувноқ оҳангда сўзлаб, гап орасида қочиримлар қилишни унутмадики, бундан кўпларнинг юзидаги ясама табассум ўрнини ростмана кулгу эгаллади. Ҳатто Бош прокурор ҳам енгил силкиниб кулворсами?! Айни ҳолат сураткаш эътиборидан қочмаганини айтинг.
Катта амалдорларнинг жилмайиши фавқулодда ёки ноёб ҳолат эмас, албатта. Бироқ мудом жиддий кўринган айрим мутасаддиларнинг кичик жилмайиши ҳам эътибор тортар экан-да. Тадбирда иштирок этган манбамизга кўра, кечаги тадбир сабаб маҳкаманинг аксарият ходималари раҳбарини илк бор яқиндан кўрган бўлса, иш юзасидан кун-кунора қабулига кириб чиқадиганларнинг кўпи жилмайишига э-энди гувоҳи бўлишибди... Хуллас, ҳар идоранинг ўз Ортиқоваси бўлсин экан.
Манба: Xabar.uz “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
